पर्वत । प्रेस चौतारी पर्वत शाखाको सातौं जिल्ला अधिवेशन सम्पन्न भएको छ । अधिवेशनले दिपेश बिश्वकर्माको नेतृत्वमा नयाँ कार्य समितिको चयन गरेको छ । नव गठित कार्य समितिको उपाध्यक्षमा शान्ति सुवेदी र विकासराज पौडेल, सचिवमा दुर्गा शर्मा पुजना, कोषाध्यक्षमा महेश भुषाल, सह सचिवद्धय प्रेम शर्मा र कमला लामिछाने चयन भएका छन् । नव गठित समितिको सदस्यहरुमा रमेश पौडेल, सुजन आचार्य, नारायण अधिकारी र सुजन पौडेल चयन भएका छन् ।

शाखाको सातौं अधिवेशनको अवसरमा शाखाका पूर्व अध्यक्षहरु इन्द्रमान खत्री, राजेन्द्र पहाडी, गणेश पौडेल, लक्ष्मण सापकोटा, गणेश गिरी र अनुशासन आयोग सदस्य सन्तोष थापालाई सम्मान समेत गरिएको थियो ।

अधिवेशनको उद्घाटन शत्रमा बोल्दै प्रमुख अतिथि तथा पूर्व मन्त्री अर्यालले सामाजिक सञ्जाल नियमन ऐन नियमनकारी भएको भन्दै ऐन नियन्त्रणकारी नभएको दावी गरिन । उनले अराजकताले देशलाई बर्बादीमा लैजाने भन्दै यसको नियमनको लागि ऐन आवश्यक रहेको समेत बताईन् ।

कार्यक्रममा एमाले केन्द्रिय सल्लाहकार परिषद सदस्य मेघनाथ सुवेदी, प्रदेश कमिटि उप सचिव मञ्जु अधिकारी, एमाले जिल्ला कमिटि अध्यक्ष गोविन्द पहाडी, प्रेस चौतारी केन्द्रिय सदस्य गणेश पौडेल, चौतारीका पूर्व अध्यक्ष इन्द्रमान खत्री, प्रेस चौतारी प्रदेश कमिटि उपाध्यक्ष उमाकान्त शर्मा, पत्रकार महासंघ पर्वतका उपाध्यक्ष रञ्जना खत्री, प्रेस युनिएन पर्वतका अध्यक्ष उत्तम अधिकारी, प्रेस सेन्टर प्रदेश कमिटि सदस्य राजबाबु पिसी, उद्योग बाणिज्य संघका अध्यक्ष ठाकुर वि पौडेल लगाएतले अधिवेशनमा शुभकामना मन्तब्य ब्यक्त गरेका थिए ।

अध्यक्ष कृष्ण अखेलीको अध्यक्षतामा सम्पन्न उद्घाटन शत्रको सञ्चालन सचिव दिपेश विश्वकर्माले गरेका थिए ।

लाेक कल्याणकारी