पर्वत । कुश्मामा जारी गण्डकी प्रदेश स्तरीय खेलकुद महोत्सवमा आज लोकगायक बद्री पंगेनीले आफ्नो प्रस्तुती दिने भएका छन् । पछिल्लो समय सामाजिक सञ्जाल टिकटकमा बहुचर्चित बनेको तिम्रो रासी तुला पर्यो गीतका गायक पंगेनीले आफ्नो प्रस्तुती राख्ने भएका हुन् ।

बृद्ध देखि बालबालिका र युवा पुस्ताका वीचमा लोकप्रिय गायक पंगेनीले गाएका कन्या राशि, लाउ चेली सिन्दुर लाउ लगाएतका हजारौ गीतहरु चर्चित गीत छन । लोकगायक पंगेनी संगै जिवन दाहाल, लक्ष्मण श्री समेत आज आफ्नो प्रस्तुती राख्नेछन ।

गण्डकी प्रदेश स्तरीय खेलाडीहरुको छनौट प्रयोजनका लागि आयोजना गरिएको खेलकुद महोत्सवको शुरुवाती दिन देखी नै विभिन्न कलाकारहरुले आफ्नो प्रस्तुती राख्दै आएका छन् । महोत्सवको नवौँदिन लोकगायक पंगेनीको प्रस्तुती रहने महोत्सव मुल आयोजक समितिका संयोजक हर्कमान गुरुङले जानकारी दिनुभयो ।

जिल्ला खेलकुद विकास समितिले आयोजना गरेको महोत्सवमा सांस्कृतिक कार्यक्रमसंगै विभिन्न जिल्ला स्तरीय पुरुष तथा खुल्ला महिला भलिबलछनोट खेल सञ्चालन भईरहेको छ । मंगलबार महोत्सवको रात्रीकालीन प्रहरमा प्रकास दुतराजले आफ्नो प्रस्तुती राखेका थिए ।हजारौ दर्शकले उनको गितमा मनोरन्जन लिएका थिए । महोत्सवमा सञ्चालन लोक दोहोरी गाएक कृष्ण अखेली,सुदिप क्षेत्री, अर्जुन थापाले गर्नु भएको छ ।

लाेक कल्याणकारी