पर्वत । कुश्मामा जारी गण्डकी प्रदेश स्तरीय खेलकुद महोत्सवमा आज दुर्गेश थापाले आफ्नो प्रस्तुती दिने भएका छन् । पछिल्लो समय सामाजिक सञ्जाल टिकटकमा बहुचर्चित बनेको गीत दुश्मन हेरेको हेर्यै गीतका गायक तथा डान्सर दुर्गेश थापाले आफ्नो प्रस्तुती राख्ने भएका हुन् ।

बालबालिका र युवा पुस्ताका वीचमा लोकप्रिय थापाले गाएका ‘डन आयो डन’, ‘हामी पनि नाच्नुपर्छ वीच वीच्चमा’ लगाएतका गीतहरु चर्चित गीत हुन् । गायक भन्दा बढि डान्सरको रुपमा परिचित थापासंगै रीता केसीले समेत आज आफ्नो प्रस्तुती राख्नेछिन् ।

https://youtu.be/T1jxeQEuAcg?si=vhg1WbtX7QOGP2ui

गण्डकी प्रदेश स्तरीय खेलाडीहरुको छनौट प्रयोजनका लागि आयोजना गरिएको खेलकुद महोत्सवको शुरुवाती दिन देखी नै विभिन्न कलाकारहरुले आफ्नो प्रस्तुती राख्दै आएका छन् । महोत्सवको चौथो दिन कलाकार थापाको प्रस्तुती रहने महोत्सव मुल आयोजक समितिका संयोजक हर्कमान गुरुङले जानकारी दिए ।

जिल्ला खेलकुद विकास समितिले आयोजना गरेको महोत्सवमा सांस्कृतिक कार्यक्रमसंगै विभिन्न खेल प्रतियोगीताहरुको समेत सञ्चालन भईरहेको छ । विहिबार महोत्सवको रात्रीकालीन प्रहरमा ¥यापर टुकीले आफ्नो प्रस्तुती राखेका थिए ।

माघ १५ देखि शुरु भएको महोत्सव आगामी २४ गतेसम्म चल्नेछ ।

लाेक कल्याणकारी