पर्वत । जिल्लाको मोदी गाउँपालिकाका रहेका जलबिद्युत आयोजनाका श्रमिक तथा कर्मचारीहरुका लागि १ दिने अभिमुखीकरण कार्यक्रम सम्पन्न भएको छ । श्रम तथा रोजगार कार्यालय पोखराको आयोजनामा अभिमुखीकरण कार्यक्रम सम्पन्न भएको हो ।
https://youtu.be/GIWL8V2f_io?si=yg-Kun4i9IW6pLlB
कार्यालयले पर्वतमा रहेका ३ वटा जलविद्युत आयोजनामा कार्यरत श्रमिकहरुका लागि श्रम अधिकारका विषयमा अभिमुखीकरण कार्यक्रमको आयोजना गरेको हो । कार्यक्रममा मोदी गाउँपालिकाका उपाध्यक्ष तथा कार्यक्रमका प्रमुख अतिथि बिमल लामिछानेले गाउँपालिका श्रमिकको अधिकार सुनिश्चित हुनुपर्ने भन्ने मान्यतामा सधै अडिग रहेको बताए । उनले श्रम अधिकारसंगै सरकारले ल्याएको सामाजिक सुरुक्षा कोषले दैनिक ज्यालादारी गर्ने, मजदुर बर्गको लागि निकै ठूलो उपलब्धि भएको समेत बताए ।
कार्यक्रममा श्रम तथा रोजगार केन्द्र पोखराका बरिष्ठ श्रम अधिकृत सुरेश ढकालले श्रम अधिकारको विषयमा थाहा नपाउँदा श्रमिकहरुले सामूहिक सौदाबाजी गर्न नसकेको भन्दै श्रम अधिकारका कानून थाहा पाउँदा उनीहरुले अधिकार प्राप्त गर्न सहज हुने बताए । कानूनी ज्ञान नभएका कारण कतिपय श्रमिकहरु मर्कामा परीरहेको भन्दै औपचारिक रोजगारा कार्यरत श्रमिकहरुलाई सामाजिक सुरक्षा कोषमा आवद्ध हुन आग्रह गरे ।
https://youtu.be/GIWL8V2f_io?si=yg-Kun4i9IW6pLlB
कार्यक्रममा सामाजिक सुरक्षा कोष, श्रम विवाद समाधान, सामूहिक सौदाबाजी तथा सामाजिक सुरक्षा कोषको विषयमा प्रशिक्षण समेत प्रस्तुत गरिएको थियो । अभिमुखीकरण कार्यक्रममा मध्य मोदी जलविद्युत आयोजना, तल्लो मोदी जलविद्युत आयोजना तथा तल्लो मोदी १ जलविद्युत आयोजनाका श्रमिक तथा कर्मचारीहरुको सहभागीता रहेको थियो ।
