पर्वत।सामाजिक सेवामा सक्रिय जय नेपाल फाउण्डेशन पर्वतले केहि दिन अघि सम्पन्न महाधिवेशनवाट विभिन्न पदमा निर्वाचित पत्रकारहरुलाई सम्मान तथा वधाई ज्ञापन गरेको छ । बुधवार दिउँसो एक कार्यक्रमको आयोजना गरी सम्मान तथा बधाई ज्ञापन गरेको हो । पर्वतवाट नेपाल पत्रकार महासंघमा निर्वाचित केन्द्रीय सदस्य छविलाल तिवारी, प्रदेश उपाध्यक्षमा निर्वाचित माया अधिकारी, जिल्ला अध्यक्षमा निर्वाचित लक्ष्मण सापकोटा लगायत सम्पुर्ण कार्यसमितिलाई सम्मान पत्र र दोसल्ला ओढाएर सम्मान गरेको हो ।
https://youtu.be/GIWL8V2f_io?si=ypiQJUXPsU8a1mEg
कार्यक्रमलाई सम्वोधन गर्दै प्रमुख अतिथि नेपाली काँग्रेस गण्डकी प्रदेश सहमहामन्त्री तथा कुश्मा नगरपालिकाका नगरप्रमुख रामचन्द्र जोशीले समाज परिवर्तन र सुशासन कायम गर्नका लागि पत्रकार तथा सञ्चारकर्मीको महत्वपुर्ण भूमिका रहेको बताउनुभयो । उहाँले समाजमा रहेका विकृति र विसंगतिको अन्त्य गर्दै आवाजबिहीनका आवाज बुलन्द गर्नका लागि पत्रकारहरुले महत्वपुर्ण भूमिका खेल्दै आएको बताउँदै पत्रकारहरुको पेशागत हकहितको सुरक्षाका निम्ति एकजुट भएर लाग्न आग्रह गर्नुभयो ।
https://youtu.be/GIWL8V2f_io?si=ypiQJUXPsU8a1mEg
कार्यक्रममा नेपाली काँग्रेसका उपसभापति शिवप्रसाद सुवेदीले राज्यको चौथो अंगको रुपमा रहेका पत्रकारहरुले समाजमा रहेका बिकृति र विसंगतिहरुलाई उजागर गर्नुपर्नेमा जोड दिनुभयो । उहाँले मुलुकको विकास र समृद्धिका लागि राजनीतिक दल, सामाजिक संघसंस्था सँगै पत्रकारहरु समेत एकजुट भएर अघि बढ्नुपर्ने बताउनुभयो ।
https://youtu.be/GIWL8V2f_io?si=ypiQJUXPsU8a1mEg
कार्यक्रममा कुश्मा नगरपालिका वडा नं। २ का वडा अध्यक्ष लालकृष्ण बास्तोला, नेपाल पत्रकार महासंघ पर्वतका अध्यक्ष लक्ष्मण सापकोटा लगायतले बोल्नुभएको थियो । जयनेपाल फाउण्डेशन पर्वतका संयोजक चित्रकला भारती शर्माको अध्यक्षतामा सम्पन्न कार्यक्रमको स्वागत चित्रराज रेग्मी र संचालन कमलनाथ शर्माले गर्नुभएको थियो । नेपाल र विभिन्न मुलुकमा समेत शाखा सञ्जाल रहेको जयनेपाल फाउण्डेशनले विभिन्न रचनात्मक काम गर्दै आएको छ ।
https://youtu.be/GIWL8V2f_io?si=ypiQJUXPsU8a1mEg
