पर्वत । दुवै मृगौलामा खराबी आएपछि उपचाररत पर्वतको कुश्मा नगरपालिका( ८ चुवाका २५ वर्षिय युवा बिजय भण्डारीलाई आर्थिक सहयोग हस्तान्तरण गरिएको छ ।
रोजगारीको शिलशिलामा अमेरिकामा रहनुभएका चुवाकै स्थानीय तथा समाजसेवी अर्जुन क्षेत्रीको पहलमा संकलन भएको रकम आइतवार पिडितको घरमै पुगेर हस्तान्तरण गरिएको हो ।
क्षेत्रीले अमेरिकामा संचालन गरेको सहयोग संकलन अभियानवाट अमेरिकन डलर तीन हजार ८८ अर्थात नेपाली रुपैया ४ लाख १२ हजार ६ सय ५२ रुपैया संकलन भएको थियो ।
https://youtu.be/GIWL8V2f_io?si=vOU8wQ9r6Qmki8HF
सोहि रकम नेपाल पत्रकार महासंघ पर्वतद्धारा आयोजित एक कार्यक्रमका बीच कुश्मा नगरपालिकाका नगरप्रमुख रामचन्द्र जोशीले पिडित भण्डारीका बाबु शेरबहादुर भण्डारीलाई हस्तान्तरण गर्नुभएको हो ।
रकम हस्तान्तरण गर्दै जोशीले मुटु, मृगौला र क्यान्सरजस्ता रोगहरुको राज्यले निःशुल्क उपचारको व्यवस्था गर्नुपर्ने बताउनुभयो ।
यस्ता रोगको उपचारका लागि ठुलो धनराशी आवश्यक पर्ने भएकाले गरिब तथा असहायका लागि समस्या हुने गरेको उहाँको भनाई छ ।
विदेशमा रहेर पनि नेपाली दाजुभाईको पिडामा मल्हम लगाउन योगदान गर्नुहुने अर्जुन क्षेत्री लगायत सवैलाई उहाँले धन्यवाद व्यक्त गर्दै नगरपालिकाको तर्फवाट पनि पिडित भण्डारीको उपचारका लागि आवश्यक सहयोग गर्ने प्रतिवद्धता जनाउनुभयो ।
https://youtu.be/GIWL8V2f_io?si=vOU8wQ9r6Qmki8HF
समाजसेवी क्षेत्रीले आफुले दुई सय डलर सहयोग गर्नुभएको छ भने अन्य ५५ जना मनकारी व्यक्तिहरुवाट उक्त रकम संकलन गरेर पठाउनुभएको हो ।
कार्यक्रममा नेपाल पत्रकार महासंघका केन्द्रीय सदस्य छविलाल तिवारीले मृगौला पिडित भण्डारीको उपचारार्थ सहयोग गर्ने महानुभावको नाम बाचन गरेर सुनाउँदै सम्पुर्ण सहयोगी दाताहरुप्रति आभार व्यक्त गर्नुभयो । गम्भिर रोग लागेका बेला उहाँलाई यस्तै सहयोगदाताहरुको खाँचो रहेको औल्याउँदै सक्दो सहयोग गर्न आव्हान समेत गर्नुभयो ।
https://youtu.be/GIWL8V2f_io?si=vOU8wQ9r6Qmki8HF
पत्रकार महासंघ पर्वतका अध्यक्ष लक्ष्मण सापकोटाले मृगौला पिडित भण्डारीको उपचारका लागि प्रवासीहरुले संकलन गरेर पठाएको रकम हस्तान्तरण गर्ने पुण्य कार्यमा सहकार्य गर्न पाएकोमा सहयोगदाताप्रति आभार व्यक्त गर्दै सञ्चारकर्मी र सञ्चार माध्यमकै कारण पिडितको उपचार खर्च जुटाउन मद्धत पुगेको बताउनुभयो । उहाँले आगामी दिनमा पनि पिडितको उपचारका लागि थप सहयोग गर्ने प्रतिवद्धता व्यक्त गर्दै भण्डारीको सिघ्र स्वास्थ्य लाभको कामना गर्नुभयो ।
https://youtu.be/GIWL8V2f_io?si=vOU8wQ9r6Qmki8HF
कार्यक्रममा कुश्मा नगरपालिका वडा नं। ८ चुवाका वडा अध्यक्ष सुरेन्द्र केसी, नेपाली काँग्रेस पर्वतका उपसभापति डा। चुडामणी शर्मा, एमाले जिल्ला सदस्य मुगा पोख्रेल लगायत जनप्रतिनिधि, समाजसेवी र पत्रकारहरुको सहभागिता रहेको थियो ।
https://youtu.be/GIWL8V2f_io?si=vOU8wQ9r6Qmki8HF
हस्तान्तरण कार्यक्रमको संचालन पत्रकार महासंघ पर्वतका सचिब साजन परियारले गर्नुभएको थियो ।
पिडित भण्डारीको अहिले पोखरामा उपचार भैरहेको छ । उहाँको यहि पुस १२ गते मृगौला परिवर्तनका लागि शल्यक्रियाको पनि तयारी भैरहेको छ ।
https://youtu.be/GIWL8V2f_io?si=vOU8wQ9r6Qmki8HF
