पर्वत । मोदी गाउँ पालिकाद्वारा आयोजित चौथो राष्ट्रपति रनिङ शिल्ड प्रतियोगिता शनिबार सम्पन्न भएको छ । मङ्सिर २५ गते देखि शुरू भएको सो प्रतियोगिता पाँच दिन सम्म सञ्चालन भएको थियो ।

प्रतियोगितामा १२ स्वर्ण ७ रजत र ४ कास्य पदक सहित कुल २३ पदक प्राप्त गरी नव जागृत मावि तिलाहारले प्रथम स्थान हासिल गर्दै शिल्ड प्राप्त गर्न सफल भएको छ । यो उपाधि सहित लगातार तीन ओटा संस्करण जितेर नवजागृत माविले एक लाख रुपैयाँ र शिल्ड हात पारेको हो ।

त्यसै गरी नव ज्योति थम मावि भुक १ सेराबेंशीले ८ स्वर्ण , ३ रजत, र ४ कास्य पदक गरी कुल १५ पदक सहित दोस्रो स्थान हासिल गरेको छ भने सरस्वती मावि बाजुङले ३ स्वर्ण , ९ रजत र ३ कास्य पदक गरी कुल १५ पदक प्राप्त गरी तेस्रो भएको छ ।

उक्त प्रतियोगितामा पशुपति मावि राम्जा ३ स्वर्ण, ६ रजत र ८ कास्य गरी कुल १७ पदक सहित चौंथो स्थान ओगटेको छ भने भुक देउराली माविले ३ स्वर्ण ३ रजत र २ कास्य गरी कुल ८ पदक सहित पाँचौं स्थान हासिल गरेको छ । त्यसैगरी जनसिद्द मावि चित्रेले १ स्वर्ण, २ कास्य गरी कुल ३ पदक सहित छैटौं स्थानमा रहेको छ ।

त्यसैगरी सालिजा मावि क्याङले १ रजत र १ कास्य, बाजुङ आधारभूत विद्यालय क्याङ्ले १ रजत र १ कास्य , हिमालय मावि देउरालीले ३ कास्य, महेन्द्र शिखरी मावि बाजुङले १ कास्य र देउपुर नमुना आबासीय माविले १ कास्य पदक प्राप्त गरेका छन् ।

उक्त प्रतियोगितामा देउपुरको जननेत्र मावि, तिलाहार गिज्यानको तुलोदय मावि, भुकको भवानी आवि र तिलाहार डिमुवाकाे पञ्चासे सिद्धबाबा आबि पदक विहिन बन्न पुगेका छन् । ३० स्वर्ण, ३० रजत र ३० कास्य गरी कुल ९० पदकका लागि भएको प्रतियोगितामा सहभागी १५ ओटा स्कूलहरु मध्ये चार ओटा स्कूलले कुनै पनि पदक प्राप्त गर्न नसकेका हुन् ।

सो प्रतियोगितामा मार्शल आर्ट तर्फका तेक्वान्दो र कराँतेका खेलहरु खेलाइए पनि चार भन्दा कम विद्यालय सहभागी भएको कारण पदकमा भने समावेश गरिएको थिएन ।

प्रतियोगितामा नव जागृत माविकी सजिना लामिछानेले दुई व्यक्तिगत स्वर्ण र तीन समुहगत स्वर्ण हासिल गर्न सफल भएकी छिन् । उनले व्यक्तिगत तर्फ १५ सय मिटर र ३ हजार मिटर दौडमा दुई स्वर्ण दिलाउन सफल भइन् ।

सोही विद्यालयका मुलुक सिंह क्षेत्रीले दुई स्वर्ण जित्न सफल भए । उनले १५ सय मिटर र ३ हजार मिटरको दौडमा स्वर्ण पदक प्राप्त गरेका हुन ।

चार दिनको लागि तय गरिएको प्रतियोगिता खेल नसकिए पछि एक दिन थप गरी शनिबार सम्म लम्ब्याइएको थियो । शनिबार छात्र तर्फको ज्याभलिन् थ्रो, छात्र र छात्रा भलिबलका फाइनल खेल सञ्चालन भएका थिए । छात्र भलिबल तर्फको उपाधि भुक देउराली माविले जितेको छ भने छात्रा तर्फ भलिबलकाे उपाधि नव जागृत माविले हात पारेको छ ।

जारी राष्ट्रपति रनिङ शिल्ड प्रतियोगितामा विद्यार्थीहरूको उत्साहजनक सहभागिता रह्यो । गाउँ पालिकाभित्रका सबै १२ ओटा मावि र तीन ओटा आधारभूत विद्यालयका सयौं विद्यार्थीहरु विभिन्न विधाहरूमा रोचक प्रतिस्पर्धा गरे । खेलकै लागि भनेर गाउँ पालिकाले सम्पूर्ण विद्यालयहरूमा चार दिन सट्टा बिदाको व्यवस्था गरेको थियो । खेलाडीहरुलाई हौसला दिन शिक्षक, विद्यार्थी, अभिभावकहरु खेल मैदान पुगेका थिए

लाेक कल्याणकारी