गोबिन्द,पर्बत । पोखरामा जारी गण्डकी प्रदेशस्तरीय पुरुष फुटबल प्रतियोगिता अन्तर्गत पर्बत जिल्ला विरुद्ध ४-० को जित निकाल्दै बागलुङ जिल्ला सेमिफाइनलमा प्रबेश गरेको छ । प्रदेश खेलकुद परिषद् गण्डकीको आयोजना तथा गण्डकी प्रदेश फुटबल संघको आयोजनमा पोखरा रंगशालामा जारी प्रतियोगिता अन्तर्गत दोस्रो दिन भएको निकै रोमान्चक खेलमा पर्बत जिल्लालाई पाखा लगाउदै बागलुङ जिल्ला सेमिफाइनलमा पुग्न सफल भयो ।

पहिलो हाफमा निकै लयमा खेलेर गोलरहित बराबरीमा खेलेको पर्बत दोस्रो हापमा भने आफ्नो लय गुमाउदै चार गोल खायो । बागलुङ जिल्लाको जितमा आयूष खड्काले खेलको दोस्रोहाप ४६, ४९ र ७८ औँ मिनेटमा गोल गर्दै आफ्नो ह्याट्रिक पुरा गरे भने निश्चल महतले ७१ औँ मिनेटमा चौथो गोल थपे पछि बागलुङले सहज निकालेको हो ।

अब बाग्लुंग ले सेमिफाइनलमा तनहुँको सामना गर्ने छ भने प्रतियोगितामा उपाधि विजेता टिमले नगद २ लाख र उपविजेता हुने टिमले नगद १ लाखका साथमा ट्रफी र मेडल प्राप्त गर्नेछन् । प्रतियोगिताबाट दसौँ राष्ट्रिय खेलकुद प्रतियोगिताका लागि खेलाडी छनौट हुनेछन् ।

लाेक कल्याणकारी