पुनम बसेल, न्युयोर्क ।
१ वर्ष अगाडी वैदेशिक रोजगारको शिलशिलामा अनेक चुनौती र कठिनाइ पार गर्दै संघर्षपूर्ण यात्राबाट अमेरिका पुगेका लक्ष्मण मल्लको ब्रेनडेडका कारण मृत्यु भएको छ।

मोदी गाउपालिका ६ गिज्यान घर भएका ४३ वर्षिय मल्ल अमेरिकाको न्यूयोर्कमा बस्दै आएका थिए भने गत आइतबार एक्कासी रिंगटा लागेर भूईमा ढलेपछि अस्पताल भर्ना गरिएको थियो।

उनलाई साउथसाइड अस्पतालको आकस्मिक कक्षमा लगिएको थियो । त्यसपछि उनलाई भेन्टिलेटरमा राखिएको र उनको ब्रेनडेड भइसकेको अस्पतालले जानकारी दिएको छ ।

गतबर्ष अमेरिकाको न्युयोर्क आइपुगेका मल्लले एसाइलममार्फत अमेरिकाको बसोबास प्रावधान मिलाउँदै थिए । उनकी श्रीमति ३८ बर्षीया सजिता लामिछाने मल्ल, छोरीहरु २० बर्षीया सभीयाता मल्ल, १७ बर्षीया दिव्यता मल्ल र छोरा १२ बर्षीय दीप्सन मल्ल नेपालमा रहेका छन् ।

परिवारका सदस्यहरू बिक्षप्त अवस्थामा रहेको तथा परिवारको एकमात्र सहाराको रूपमा मल्लले भूमिका निर्वाह गर्दै आएको उल्लेख गर्दै सहयोग संकलनका लागि गोफण्डमी सुरु गरिएको छ ।

त्यस्तै अमेरिका कै क्यालिफोर्नियामा पनि मल्लको परिवारलाई सहयोग होस भनि सहयोग संकलन शुरु गरिएको छ । पर्वत कै हेम बहादुर मल्ल (मुनाल) र दिनेश थापाको नेतृत्वमा सहयोग संकलन गर्न लागिएको हो ।

मल्ल र थापाका अनुसार परिवारलाई तत्काल राहत होस भन्ने सोचसहित जतिसक्दो छिटो जे जति सकिन्छ सहयोग गर्न लागेको सुचनाकेन्द्र डटकमलाई बताएका छन् ।

गोफण्डमा सहयोग गर्न यहा जानुहोस

लाेक कल्याणकारी