बैकुण्ठ गिरी, क्यालिफोर्निया ।
हरेक बर्षहरुमा जस्तै यसबर्ष पनि हजारौंको संख्यामा नेपालीहरु सहभागी हुने सन्नि सगरमाथा समाजको पिकनिक हुने भएको छ ।
उक्त पिकनिक कार्यक्रममा समाजले नेपाली नयाँ वर्ष २०८१ को शुभकामना आदानप्रदान कार्यक्रम गर्नेछ । यहि ५ मे २०२४ आईतबार गर्ने कार्यक्रमको भब्य तयारी भैरहेको आयोजकहरुले सुचनाकेन्द्र डटकमलाई बताएका छन् ।
विगत लामो समयदेखि समाजले नयाँ बर्षको अवसरमा शुभकामना आदानप्रदान एवं बनभोज कार्यक्रमको आयोजना गर्दै आइरहेको छ ।
बनभोज कार्यक्रमका आयोजक समितिका संयोजक उत्तम शर्मा उप संयोजक विन्दु सापकोटा मनोज वली सन्नी सगरमाथा समाजका अध्यक्ष रमेश राउत ( चेत ) र महासचिव अनुप अधिकारीको जानकारी अनुसार यस बर्षको कार्यक्रम Baylands Park 999 E. Caribbean Dr. Sunnyvale मा बिहान ११ बजेवाट शुरु हुनेछ ।
नयाँ बर्षको शुभकामना आदानप्रदान कार्यक्रममा बे एरिया क्यालिकोर्निया र आसपास क्षेत्रका हजारौं संख्यामा सहभागी हुने अनुमान गरिएको संयोजक उत्तम शर्माले बताए । कार्यक्रममा सहभागीभई भरपुर मनोरन्जन लिन सन्नी सगरमाथा समाजले अनुरोध गरेको छ।
यसपटकको पिकनिकलाई स्वादिष्ट भोजनको अलावा राफल चिट्ठा र उपहारहरु पनि राखिएको छ। साना वालवालिका र सिनियर सिटिजनहरुलाई विषेश ब्यवस्था गरेको छ । आयोजकहरुले सबैलाई सामाजीक संजालहरु मार्फत पनि चुल निम्ता गरिरहेका छन् ।
स्मरण रहोस केहि अगाडी तय भएको यो कार्यक्रम नेपाल डे परेडका कारण स्थगन भएको थियो र यो मे ५ को लागि सारिएको थियो ।तस्बिर गत बर्षको हो।
