गोबिन्द,पर्बत । तेस्रो ऐतिहासिक राष्ट्रिय मगर महोत्सवमा अन्तिम दिनमा भएको महोत्सवको आकर्षणका रूपमा रहेको मोफसलकै सवैभन्दा ठुलो पुरस्कार राशिको खुल्ला अन्तरपालिका पुरूष भलिवल प्रतियोगिता अन्तर्गतको उपाधि गलकोट नगरपालिकाले उचाल्यो । प्रतियोगिताको फाइनल भिडन्त कुश्मा नगरपालिका र गलकोट नगरपालिका बीच भएको निकै रोचक र प्रतिस्पर्धात्मक खेलमा गलकोट नगरपालिका ३-१ को रोमान्चक सेटमा बिजयी हुदै उपाधि उचाल्यो ।

खेल निकै प्रतिस्पर्धात्मक र रोचक भएको थियो । बेस्ट अफ फाईपमा भएको खेलमा गलकोट नगरपालिकाले पहिलो सेट २५-१५ ले जित्यो भने दोस्रो सेट कुश्मा नगरपालिकाले ३०-२८ को घम्साघम्सीले जित निकाल्दा तेस्रो सेट भने गलकोट नगरपालिकाले २५-१७ ले जित हासिल गर्दा चौथो सेटपनि सहज तरिकाले गलकोट नगरपालिकाले उत्कृष्ट खेल खेल्दै २५-१८ को जित निकाल्दै तेस्रो राष्ट्रिय मगर महोत्सव खुल्ला अन्तरपालिका पुरूष भलिवल प्रतियोगिताको उपाधि उचाल्न सफल भयो ।

यो जित संगै गलकोट नगरपालिकाले सर्बाधिक पुरस्कार २,०२,२२२/ (दुईलाख दुईहजार दुईसय बाईस रुपयाँ, सिल्ड मेडल र प्रमाणपत्र) हात पर्यो भने दोस्रो हुने कुश्मा नगरपालिकाले १,०१,१११/ (एकलाख एकहजार एकसय एघार रुपयाँ सिल्ड मेडल र प्रमाणपत्र) प्रप्त गर्यो । त्यस्तै तेस्रो स्थान भएको फलेबास नगरपालिकाले नगद ५०,१११/ (पचासहजार एकसय एघार रुपयाँ सिल्ड मेडल र प्रमाणपत्र) प्रप्त गरेको खेल संयोजक होम पुनले हाम्रो सूचना केन्द्र डटकम लाई जानकारी गराउनु भयो ।

लाेक कल्याणकारी