गोबिन्द,पर्बत । तेस्रो ऐतिहासिक राष्ट्रिय मगर महोत्सवमा आज दशौ दिन भएको महोत्सवको आकर्षणका रूपमा रहेको मोफसलकै सवैभन्दा ठुलो पुरस्कार राशिको खुल्ला अन्तरपालिका पुरूष भलिवल प्रतियोगिता अन्तर्गत आजको पहिलो सेमिफाइनल खेल कुश्मा नगरपालिका र फलेबास नगरपालिका, बीच भएको थियो । उक्त खेल कुश्मा नगरपालिकाले ३-१ को रोमान्चक सेटमा बाजी मार्यो । खेल निकै प्रतिस्पर्धात्मक भएको थियो । सेमिफाइनल बेस्ट अफ फाईपमा खेलाईएको खेलमा कुश्मा नगरपालिकाले पहिलो सेट २५-१९ ले जित्यो भने दोस्रो सेट २५-२७ले जित निकाल्दै फलेबास नगरपालिकाले खेलमा फर्कने संकेत देखायो। तेस्रो सेट फेरी कुश्मा नगरपालिकाले २५-२२ ले जित निकाल्दा चौथो सेट पनि २५-२३ ले जित निकाल्दै कुश्मा नगरपालिका फाईनलमा आफ्नो स्थान सुरक्षित गर्यो ।
अब कुश्मा नगरपालिकाले फाईनलमा गलकोट नगरपालिका र बिहादी गाउँपालिका बीचको बिजेता संग भिड्ने छ । नकआउट चरण मा खेलाएको उक्त प्रतियोगितामा प्रथम हुनेलाई सर्बाधिक पुरस्कार २,०२,२२२/ (दुईलाख दुईहजार दुईसय बाईस रुपयाँ, सिल्ड मेडल र प्रमाणपत्र) दोश्रो लाई १,०१,१११/ (एकलाख एकहजार एकसय एघार रुपयाँ सिल्ड मेडल र प्रमाणपत्र) तृतीय हुने लाई नगद ५०,१११/ (पचासहजार एकसय एघार रुपयाँ सिल्ड मेडल र प्रमाणपत्र) रहेको खेल संयोजक होम पुनले हाम्रो सूचना केन्द्र डटकम लाई जानकारी गराउनु भयो ।
