पर्वत । पूर्व पश्चिम जोड्ने मध्यपहाडी लोकमार्ग अन्तर्गत पर्वत खण्डका ३ ठाउँमा मोटरेवल पुल बन्ने भएका छन् । सडक खण्ड अन्तर्गत पर्वत खण्डको मोदी गाउँपालिकामा २ वटा र कुश्मा नगरपालिकामा १ वटा मोटरेवल पुल बन्ने भएको छ । आयोजना कार्यालय पर्वतका अनुसार जिल्लाको मोदी खोला, पातिखोला तथा सुन्दरे खोलामा मोटरेवल पुल निर्माणको कार्य हुन लागेको हो ।

मोदीखोलामा डिमुवा स्थित मोटरेवल पुललाई विस्तार गरिनेछ । उक्त स्थानमा यस अघि नै निर्माण भएको सिंग्गल लेनको पुललाई विस्तार गरी पुल निर्माण गरिने भएको हो । यसैगरी पातिचौर स्थित पातिखोलामा पनि यस अघि निर्माण भएको पुललाई विस्तार गरिने आयोजना कार्यालयले जनाएको छ ।

पुल नजिक वस्ती भएका कारण वस्ती ब्यवस्थापनको भने समस्या भएको कार्यालयका इन्जिनियर धिरोज ढकालले जानकारी दिए । यसैगरी कुश्मा नगरपालिका अन्तर्गत वडा न ८ चुवा स्थित सुन्दरेखोलामा पनि पुल निर्माण हुनेछ ।

३ वटै पुलहरु ठेक्का मार्फत सम्झौता भई डिजाइन स्टिमेटको चरणमा रहेको इन्जिनियर ढकालले जानकारी दिए ।
यसै वीच तमादीखोलामा निर्माणधिन मोटरेवल पुलको भने ७० प्रतिशत निर्माण कार्य सम्पन्न भएको छ ।

लाेक कल्याणकारी