पर्वत । हुनत यो समय सबै नागरीकहरुलाई सुरक्षित रहन सरकारले आग्रह गरिरहको छ तर पनि आम नागरीकहरुमा बिभिन्न तरिकाका समस्याहरु भने निरन्तर देखा परिरहेकै छन् । यस्तो अबस्था स्थानिय र केन्द्र सरकारले सबैलाई सहयोगको अपिल पनि गरिरहेकै छ ।

यस्तैमा कुश्मा नगरपालिकाले शुरुवात गरेको कोभिड राहत कोषमा युवा संघका केन्द्रिय सदस्य सुनिल थापा बाँनियाले नगद सहयोग गरेका छन् । नगरपालिकाले कोभिडका विरामीहरुको उपचारका लागि शुरुवात गरेको राहत कोषमा कुश्मा नगरपालिका वडा न ४ निवासी बानियाँले नगद २५ हजार रुपैया ब्यक्तिगत रुपमा सहयोग गरेका हुन् ।

राहत कोष मार्फत नगरपालिका भित्रका कोभिड रोगबाट संक्रमीतभएकाहरुको उपचारमा खर्च गर्ने गरी कोषको स्थापना गरिएको नगरप्रमुख रामचन्द्र जोशीले जानकारी दिए ।

उक्त कोषमा सहयोग रकम संकलन गरी राहत नगरबासीको उपचारमा रकम खर्च गर्ने गरी कोषको स्थापना गरिएको नगरप्रमुख जोशीको भनाई छ । नगद रकम सहयोग गरेका बाँनिया कुश्मामा सामूहिक रुपमा निर्मणधिन जीपलाईन तथा स्काईपुलका सञ्चालक समेत हुन् ।

नगरपालिकाले नेपाल वैंक पर्वतको खाता नम्बर ०६६०३०००००७००२०००००२ मा प्रकोप ब्यवस्थापन कोषको खातामा सहयोग रकम उपलब्ध गराउन पनि नगरबासीलाई आब्हान गरेको छ ।

लाेक कल्याणकारी