दिपसागर पौडेल
चर्को गर्मी याम र शुख्खा खडेरी सँगै पर्बतका विभिन्न सामुदायिक बनहरुमा आगलागी चर्कदै गएको छ प्रायः यो समयावधिमा वन डढेलोको प्रकोप देशैभर अत्याधिक रूपमा बढेको छ डिभिजन बन कार्यलय पर्बतका अनुसार २५ सामुदायिक बनमा गरि अहिलेसम्म १५७ हेक्टर क्षेत्रफल आगोले सखाप भै सकेको र जिल्लाका विभिन्न ठाउँमा चर्को रूपमा फैलिएको आगोलाइ नेपाल प्रहरी शशस्त्र प्रहरी नेपाली सेना र स्थानीयहरुको पहलमा नियन्त्रण गर्न सफल भएको डिभिजन बन कार्यलयले जनाएको छ ।

आगलागी बन बिनाशलाइ न्यूनीकरणका लागि भडखोरे सामुदायिक बन उपभोक्ता समुह कुनपा ७ खरेहाले बिहिवार एक कार्यक्रमको आयोजना गरि शुख्खा खडेरी र बनमा लाग्न सक्ने आगोको खतरालाई कसरी निर्वाण गर्न सकिन्छ भन्ने उद्देश्यका साथ नव गठित उप समितिले युवाहरुको सक्रियताका साथमा परिचालन गरेको छ ।

केसब रिमालको संयोजकत्वमा बन डढेलो नियन्त्रण संजाल उप समिति गठन गरेको छ साथै उपसंयोजकमा बालकृष्ण शर्मा र सदस्यहरुमा उमाकान्त शर्मा , तुलसी पौडेल , सफल शर्मा , अजिव शर्मा , सम्पूर्ण शर्मा , गणेश शर्मा , बलराम गिरि , ज्ञानु गिरि ,ओम प्रकाश शर्मा , सुरज सुवेदी , अमृत बिक र शुकबहादुर नेपाली रहेका छन् भडखोरे सामुदायिक बन समुहका अध्यक्ष तेज गिरि कान्छाका अनुसार यसरी हरेक वर्ष लाग्ने डढेलोलेे वन प्राकृतिक र मानवीय धनजनको क्षति हुनबाट बच्नका लागि उक्त उप समिति गठन गरेको बताउनुभयो ।

५०० मिटर लामो अग्निरेखा भित्र सुकेका दाउरा , घाँस र पतझरहरुलाइ सफा गरि बनलाइ डढेलो खतरा मुक्त गर्नुपर्नेमा युवा शक्तीहरुको गठन गर्नुपर्ने आबस्यक भएकोले युवाहरूको पहलमा सामुदायिक बन जोगाउन लागेको भडखोरे सामुदायिक बनका निबर्तमान अध्यक्ष खेमनाथ शर्माले बताउनुभयो ।

५७.५ हेक्टरमा फैलिएको उक्त बन समूहले रार्ष्ट्रिय स्तरमा विभिन्न पुरस्कार सम्मान पाउन सफल भएको छ यसलाई सर्बपक्षिय हिसाबले बचाउनु हामी सबैको कर्तव्य हो भन्दै भड्खोरे सामुदायिक बनकी सचीव मिठु शर्माले बताउनु भयो । मुलुकी ऐन, २०२० मा आगो लगाउने कार्यलाई फौजदारी अभियोगका रूपमा लिइएको छ। त्यस्तै वन ऐन २०४९ र राष्ट्रिय निकुञ्ज तथा वन्यजन्तु संरक्षण ऐन, २०२९ ले वनमा आगो लगाउन वा आगो लाग्न सक्ने क्रियाकलापलाई बन्देज लगाएको छ ।

लाेक कल्याणकारी