पर्वत । दक्षिण पर्वतको पैयुँ गाउँपालिका वडा नं. ६ डाँडाकाहुँमा शुक्रवार दिउँसो आगलागी हुँदा ५ घर र १५ गोठ जलेर पुणर् रुपमा क्षति पुगेको छ ।

डाँडाकाहुँको भिरमा रहेको जङ्गलमा लागेको आगो बस्तीमा प्रवेश गरेपछि घर र गोठ जलेर नष्ट भएका हुन् । आगलागीबाट स्थानीय शेरप्रसाद गौतम, रेशमलाल गौतम, नमप्रसाद सापकोटा, रेशमलाल सापकोटा, जयकला सापकोटा को घर पुणर् रूपमा जलेर नष्ट भएका छन् भने खड्काप्रसाद गौतम, एकनारयण गौतम, चोलाकान्त सापकोटा, छबिलाल गौतम, उमेश गौतमको घरमा आंसिक क्षति पुगेको छ त्यसैगरी स्थानीयका १५ वटा गोठ जलेर पुणर् रुपमा क्षति पुगको इलाका प्रहरी कार्यालय हुवासका प्रहरी निरीक्षक विजयकुमार सिंहले जानकारी दिनुभयो । घरवारबिहीन भएकाहरु अहिले आफन्तकोमा आश्रम लिएर बसेका छन् ।

आगालागीवाट पुणर् क्षति भएका पाँच परिवारलाई तत्काल स्थानीय पैंयु गाउँपालिकाले नगद १० हजार, खाद्यान्न र लत्ताकपडा वितरण गरेको प्रमुख प्रशासकिय अधिकृत केशव लामिछानेले जानकारी दिनुभयो । त्यसैगरी अन्य सामान्य क्षति पुगेकाहरुालई टेण्ट, र त्रिपाल वितरण गरिएको समेत उहाँले बताउनुभयो । घटनाको विस्तृत विवरण भने आउन बाँकी रहेको छ ।

आगलागीवाट मानविय क्षति नभएपनि केहि पशुचौपाया मरेका छन् । आगो नियन्त्रणका लागि पर्वतको सदरमुकाम कुश्मा बजारबाट २१ जना सशस्त्र प्रहरी र २१ जना नेपाली सेनाको टोली घटनास्थलमा पुगेको थियो । आगो राती अबेर नियन्त्रणमा आएको प्रहरीले जनाएको छ ।

लाेक कल्याणकारी