पर्वत उद्योग बाणिज्य संघको अध्यक्षमा गोपि अधिकारी निर्वाचित हुनुभएको छ । मंगलवार विहान सम्पन्न मत गणनामा अधिकारी १ हजार १६ मत प्राप्त गरी बिजयी हुनुभएको हो । उहाँका निकटतम प्रतिद्धन्दी शिव शर्मा पौडेलले ८ सय ९७ मत प्राप्त गर्नुभएको छ । पौडेल भन्दा अधिकारी १ सय १९ मतको अन्तरले बिजयी हुनुभएको छ ।

त्यसैगरी महिला सदस्यमा देवी अधिकारी र माया गिरी बिजयी हुनुभएको छ । २३ सदस्यीय कार्यसमितिको सदस्यहरुमा ठाकुर वि पौडेल, रमेश शर्मा लामिछाने, गणेश लामिछाने, कमलबहादुर जिसी, गणेशकुमार श्रेष्ठ, नारयणबहादुर केसी, प्रदिप तिमिल्सिना, मिनप्रसाद शर्मा, नारायणप्रसाद पौडेल, कृष्णप्रसाद श्रेष्ठ, कमल शर्मा लामिछाने, राजन गुरुङ, शेरबहादुर चोचाङ्गी, राजकुमार बस्नेत, मानसिंह भण्डारी, दिपेन्द्र गिरी, बिनोद आचार्य, कृष्ण प्रसाद शर्मा (पोल्ट्री), रामु शर्मा र कृष्णप्रसाद शर्मा (मेटल)बिजयी हुनुभएको छ ।

गत शनिवार भएको निर्वाचनमा १ हजार ९ सय ९३ मत खसेको थियो । जस मध्ये ६८ मत बदर भएको छ । अध्यक्षमा बिजयी हुनुभएका अधिकारीले समग्रमा पर्वतका उद्योग, व्यावसाय र पर्यटनको क्षेत्रमा काम गर्ने प्रतिवद्धता व्यक्त गर्नुभएको छ । जिल्लामा बढ्दो पर्यटकीय क्षेत्रहरुको प्रवद्र्धनमा आफुले काम गर्ने उहाँले बताउनुभयो ।

लाेक कल्याणकारी