पर्वत । पर्वत उद्योग बाणिज्य संघ चुनावको मिति अब १ दिन मात्रै बाकी रहँदा चुनाव गराउने निकाय निर्वाचन आयोग नै अलमलमा परेको छ । आयोग नै अलमल परेपछि मतपत्र कसरी छाप्ने भन्ने बिषयको पनि ढुंगो लाग्न सकेको छैन ।

प्यानल गत रुपमा आफ्नो समुह दर्ता गराएको प्रजातान्त्रिक प्यालनले अल्फावेटको आधारमा निर्वाचन मतपत्र तयार गर्नुपर्छ भन्ने अडान लिएको र त्यस कुरामा अर्को साझा, समाबेशी प्यानलले नमाने पछि बिवाद उत्पन भएको बताइएको छ । सोहि बिवादको कारण निवार्चन मतपत्र तयार नभएको बताइएको छ ।

साझा, समाबेशी प्यानलका उमेद्बारहरुले प्रजातान्त्रीक प्यानलले पराजयको डरको कारण निउ खोजेर डिस्टर्भ गर्न खोजेको आरोप लगाएको छ । उहाँहरुले आफ्नो पराजयको डरको कारण निर्वाचन आयोगमा किचलो थाप्नु भएको छ ।

सोहिकारण आयोगले पनि काम गर्न नसकेको बताएका छन् । साझा, समाबेशी प्यानलले पहिलो प्यानलका आधारमा र दोस्रो पुर्व निर्वाचन अनुसार नै गरौं भन्दा प्राजान्त्रिक प्यानलले नमानेको आरोप लगाएका छन् ।

अर्को तिर प्रजातान्त्रिक प्यानलले पनि आफ्नो पराजय मानसिकता छोप्न साझा, समावेशी प्यानलले मतपत्रमा निउ खोजको आरोप लगाएको छ । प्रजान्त्रिक प्यानलले चुनाव जित्छ भनेर उहाँहरुले निउ खोज्नु भएको हो भनेको छ । यता निर्वाचन आयोगले सुचनाकेन्द्र डटकमसँग कुरा गर्दै केहि घण्टा भित्र नै आफ्नो तयारीको प्रकृया अगाडी बढाउने बताएको छ ।

लाेक कल्याणकारी