रविन सुवेदी, सुचनाकेन्द्र डटकम पर्वत । नेपाली कांग्रेसका बरिष्ठ नेता रामचन्द्र पौडेलले केपी ओलीलाई सरकारमा १ दिन पनि बस्ने अधिकारी नभएको बताएका छन् । आज प्रेस युनियन पर्वतले आयोजना गरेको पत्रकार भेटघाट कार्यक्रम यस्तो बताएका हुन ।
आफुलाई संबिधान भन्दा माथी ठानेर ओलीले संसद बिघटन गर्ने जस्ता कामहरु गरेको कारण उनलाई सरकार कुनै हालतमा राख्न नहुने भन्दै यो सरकारको बिदाई कांग्रेसको एजेण्डा भएको बताए ।
कांग्रेससँग आबश्यक मत नभएको कारण अबिश्वासको प्रस्ताव लान नसकिएको भन्दै आफुले पार्टी सभापती शेर बहादुर देउवालाई जुन पार्टीले केपी ओलीको बिरुद्ध अबिस्वासको मत ल्याउछ उसलाई सहयोग गर्नपर्छ भनेको समेत बताएका थिए । केहि महिना अगाडी प्रदेश १, प्रदेश नम्बर ३ लगायतमा पनि कांग्रेसले ओली पक्षको नेतृत्वमा बनेको सरकार ढलाईदिने भनेको बताए ।
सरकारको नेतृत्व कांग्रेस गर्छ वा गर्दैन भन्ने एक प्रश्नमा नेता पौडेलले भने सरकारको नेतृत्व अरु दललाई दिएर भए पनि अहिलेको मुल एजेण्डा भनेको केपी ओलीको सर्बसत्ताबादी मानसिकतासहितको सरकार ढलाउने रहेको बताए । सरकारमा जो गए पनि हुन्छ जनताको काम गर्ने हो सबै मिलेर गर्दा राम्रो हुन्छ उनले भने ।
यहि अबस्थामा केपी ओलीको सरकार अझै केहि समय टिकिरहने हो भने देश झनै दुर्दशा तिर जाने पौडेलको भनाई थियो । कांग्रेस अहिले निर्वाचनको तयारी नगरेको बताउदै अबको निर्वाचनमा कांग्रेसको बिजयलाई कसैले रोक्न नसक्ने पनि पौडेलको तर्क थियो ।
