जोमसोम—आसन्न नेपाल पत्रकार महासंघको तीन तहको निर्वाचन प्रयोजनका लागि हिमाली जिल्ला मुस्ताङमा बुधबार निर्वाचन समिति गठन भएको छ । शाखाका अध्यक्ष सुन्दरकुमार थकालीको अध्यक्षतामा बसेको जिल्ला कार्यसमितिको निर्वाचन समिति चयन बैठकले महासंघको विधान २०६० पाचौं संशोधन ( २०७५) बमोजिम सर्वसम्मत निर्वाचन समिति गठन भएको छ ।

नेपाल पत्रकार महासंघको २६ औं महाधिवेशन अन्र्तगत हुँने संघ ,प्रदेश र जिल्ला तहको एकैसाथ हँुने प्रत्यक्ष निर्वाचनका लागि मुस्ताङमा लामो समय देखि पत्रकारितामा क्रियाशिल पत्रकार भीमबहादुर रसाईलीलाई निर्वाचन समिति संयोजकमा चयन गरेको महासंघ मुस्ताङ शाखाका अध्यक्ष सुन्दरकुमार थकालीले जानकारी दिए ।

उहाँका अनुसार समितिमा जिल्ला अदालत मुस्ताङकातर्फबाट नायव सुब्बा रामचन्द्र सुवेदी र जिल्ला सरकारी वकिलको कार्यालय मुस्ताङकातर्फबाट ऋषिराम सुवेदीलाई निर्वाचन समिति सदस्यमा चयन गरेको छ ।

निर्वाचन समिति संयोजक पत्रकार भीमबहादुर रसाईलीलाई महासंघ मुस्ताङ शाखाका अध्यक्ष सुन्दरकुमार थकालीले महासंघ तीन तहको निर्वाचन संम्पन्न गर्नका लागि खाता पहिराएर अंग्रिम सुभकामनासहित बधाई ज्ञापन गरे ।

निर्वाचन समितिका संयोजक पत्रकार भीमबहादुर रसाईली विगत डेढ दशक अघिबाट मुस्ताङको पत्रकारिताक्षेत्रमा क्रियाशिल छन् । उनी नेपाल पत्रकार महासंघको संस्थापक अध्यक्ष र हिमालपारिको आवाज साप्ताहिक पत्रिकाका प्रकाशक तथा सम्पादक समेत हुन् ।

नेपाल पत्रकार महासंघ केन्द्रको विधान बमोजिम पत्रकार महासंघ जिल्ला कार्यसमितिले दिएको कार्यभार पूरा गर्न आफु कटिवद्ध भएर लाग्ने निर्वाचन समितिका संयोजक रसाईलीले प्रतिवद्धता व्यक्त गरे ।

यसपटक जिल्लबाटै सबै साधारण सदस्यले केन्द्र,प्रदेश र जिल्लाको नेतृत्व चयनका लागि एकैसाथ मतदान गर्न पाउने भएका छन् ।महासंघको नेतृत्वको लागि उम्मेदवारी दिएकाहरु भोट माग्न जिल्ला पुग्नुपर्ने अवस्था आएको छ । यसअघि प्रत्येक जिल्लाबाट पदेन अध्यक्षसहित केन्द्रिय पार्षदले काठमान्डौं पुगेर भोट हाल्नु पर्ने बाध्यता थियो ।

लाेक कल्याणकारी