रविन सुवेदी, पर्वत । ऐतिहासिक रुपमा आयोजना गरीएको दोस्रो मगर महोत्सवको तयारी लगभग ९० प्रतिशत सकिएको छ । अब केहि काम मात्रै बाकी रहेको आयोजक संस्था पुन युवा क्लवका अध्यक्ष कृष्ण पुनले बताएका छन् । आज महोत्सवको पुर्व सन्ध्यामा आयोजना गरीएको पत्रकार भेटघाट कार्यक्रममा पुनले यस्तो कुराको जानकारी गराएका हुन ।
पुनका अनुसार यसपाली महोत्सवलाई उद्घाटन पर्वत जिल्लाका प्रतिनिधि सभा सांसद पदम गिरीले गर्ने छन् । साथै कार्यक्रममा दैनिक जसो राष्टीय कलाकारहरुको बेजोड प्रस्तुती रहने छ । लोक दोहोरी क्षेत्रका अधिकासं हस्ती गायक गायिकाहरु, सुगम संगितका हस्तीहरुको साथमा देश कै चर्चामा रहेका कलाकारहरु तथा कन्सर्ट पनि हुने बताइएको छ ।
२२० स्टलमा २०० बढी बुक भैसेको र भोलीसम्ममा त्यो पनि सकिने बताएका छन् । महोत्सवमा ८ वटा होटलहरु हुनेछन् ति सबै बुक भैसकेको बताइएको छ । रमाईलो मेला लगायतको समाग्री निर्माण भैसकेका छ ।
रमाईलोको साथै यसपाली दोस्रो मगर महोत्सवको अर्को आर्कषण भनेको भलिवल खेल हो । प्रतियोगितामा प्रथम पुरुस्कार १ लाख ५१ हजार सिल,मेडल र प्रमाणपत्र रहेको छ । ५ टिम दर्ता भैसकेका छन् भने अन्य टिम आउदै गरेको बताएको छ । महोत्सवमा कम्तीमा एक लाख बढी दर्शकहरुको सहभागीता हुने आयोजकले बताएको छ । क्लवका अध्यक्ष कृष्ण पुुनको अध्यक्षतमा भएको कार्यक्रमको सञ्चालन महोत्सवको अफिसियल मिडिया सुचनाकेन्द्र डटकमका प्रधानसम्पादक बैकुण्ठ गिरीले गरेका थिए ।
