पोखरा । ढुवानी व्यवसायी महासंघ नेपालको ५ औं महाधिवेशन तथा १२औं साधारण सभाबाट दर्शन टान्सपोर्ट प्रालिका प्रमुख तथा सफल युवा ब्यावसायी अरुण कुमार श्रेष्ठ निर्वाचित भएका छन् । चितवनको सौराहामा शनिबार भएको साधारण सभाबाट श्रेष्ठ महासचिव निर्वाचित भएका हुन ।

यस्तै केन्द्रीय अध्यक्षमा विश्वनाथ खनाल दोस्रो कार्यकालका लागि निर्वाचित भएका छन् । । चितवनको सौराहामा शनिबार भएको ५ औं महाधिवेशन तथा १२औं साधारण सभाबाट खनाल पुन निर्वाचित भएका हुन ।

निकटतम प्रतिद्धन्द्धी विराटनगरका विनोद सिंहलाई ४ मतले पराजित गरि खनाल अध्यक्षमा विजयी भएको प्रमुख निर्वाचन अधिकृत अधिवक्ता राजकुमार श्रेष्ठले जानकारी दिएका थिए । कूल खसेको ६० मत मध्ये खनालले ३२ मत ल्याएर विजय भए ।

महासंघको केन्द्रीय अध्यक्षमा दोस्रो पटक निर्वाचित भएका खनाल ट्रान्सपोर्ट एशोसिएसन वीरगन्जका पूर्व अध्यक्ष हुन् । यसैगरि वरिष्ठ उपाध्यक्षमा अच्युतराज खनाल, क्षेत्रगत उपाध्यक्षमा ध्रुव दाहाल खत्री, केशव गिरी, खेम जंग बस्नेत र प्रदिप अर्याल निर्वाचित भएका छन् ।

महासचिवमा अरुण कुमार श्रेष्ठ, सचिवमा पुष्पराज श्रेष्ठ र कोषाध्यक्षमा राजेन्द्र प्रसाद गुप्ता निर्वाचित भएको निर्वाचन अधिकृत श्रेष्ठले बताए । पांचजना केन्द्रिय सदस्यमा कृष्ण राज पौडेल, सुशिल पौडेल, श्याम प्रसाई, धर्मराज पोख्रेल र टेकराज पोख्रेल विजयी भएका छन् ।

लाेक कल्याणकारी