पोखरा । पोखरामा मोवाइल फुड सेन्टर शुरु गरिएको छ ।कोरोना भाइरस रोकथामका लागि जारी निषेधाज्ञा अवधिमा प्रभावित दैनिक ज्यालादारी मजदूर तथा साँझ विहान हातमुख जोर्न धौ धौ पर्ने विपन्न र असाहायहरुलाई लक्षित गरी सो सेन्टर स्थापना गरिएको हो ।

सत्तारुढ नेपाल कम्युनिष्ट पार्र्टी(नेकपा)को विद्यार्थी संगठन अनेरास्वीयूका केन्द्रीय नेता क्षितिज सापकोटाको समन्वय र शहीद बेपत्ता स्मृति स्र्पोटस् स्कुलको सहकार्यमा स्थापना गरिएको फुड सेन्टरबाट खाद्यान्न अभाव भएकाहरुले आवश्यक सामग्री लिएर जाने तथा हुनेहरुले सहयोग गर्न सक्ने विद्यार्थी नेता सापकोटाले बताए ।

“छ भने दिएर छैन भने लगेर सहयोग गरौँ ” भन्ने नारा सहित सेन्टरबाट आवश्यक नून, तेल, चामल, लगायतका खाद्य सामग्री लैजान सकिने व्यवस्था गरिएको छ । तर एक व्यक्तिले आवश्यक एक सामग्री मात्र लैजान पाउनेछन् ।

“कोरोना महामारीले अहिले सबै क्षेत्र प्रभावित छ, त्यसमा पनि साँझ विहान हातमुख जोर्न नसक्ने तथा दैनिक ज्यालादारीमा काम गर्ने मजदूर बढी प्रभावित छन्,उनीहरुलाई भौकै बस्न नपर्ने गरी सहयोग गर्न सेन्टरको स्थापना गरिएको हो ।” सापकोटाले भने ।

आज पहिलो दिन पोखरास्थित पृथ्वीचोकमा सेन्टर रहेकामा एक सातासम्म पोखराका विभिन्न स्थानमा राखिने स्र्पोटस् स्कूलका उपाध्यक्ष विशाल तामाङले जानकारी दिए ।

लाेक कल्याणकारी