पर्वत । सरकारले भूमिहीन सुकुम्बासी तथा अव्यवस्थित बसोवासीलाई जग्गा बितरण गर्न अधिकार सम्पन्न ‘भूमिसम्बन्धी समस्या समाधान आयोग’ केन्द्रमा समिति गठन गरेसँगै जिल्ला जिल्लामा पनि त्यसको चर्चा चुलिन थालेको छ । सदस्य चयनको बिषमा चर्को बहस नभए पनि जिल्ला समितिमा संयोजक चयनको बिषयले भने खुब चर्चा पाएको छ । संयोजक एक पद तथा आकाक्षीहरु धेरै भएका कारण यो बिषयले चर्चा पाएको छ ।

जिल्ला संयोजकमा भक्त कुँवर, देवेन्द्रराज पाण्डे, प्रेम लामिछाने, केशव कुँवर ‘श्रीजनशील’, लगायतका नाम चर्चामा छन् । यी चर्चामा भएका नामहरुमा जिल्लाबाट भने देवेन्द्रराज पाण्डे पुर्व एमाले र केशव कुँवर ‘श्रीजनशील’लाई पुर्व माओवादीबाट केन्द्रमा सिफारीस गर्ने तयारी भएको एक नेताले सुचनाकेन्द्र डटकमलाई बताए छन् । तर यहि कुरा कार्यन्ययन गर्दा पुर्व एमाले भित्रको माधव नेपाल समुह पुरै बाहिरीने अबस्था भएकोले त्यति सहज भने नभएको उनले हामीसँग बताएका छन् ।

पुर्व एमालेभित्र गणेश तिमील्सीना, बिकास लम्साल र पदम गिरीको फरक फरक चाहाना
भूमि समस्या समाधान आयोगको जिल्ला समिति गठन हुनै लाग्दा पुर्व माआवादी समुहमा एकमत देखिको अबस्था भएपनि पुर्व एमाले भित्र भने निकै चर्को बहस देखिएको छ । बिगतमा जिल्ला अध्यक्ष समेत रहेका संघिय साँसद पदम गिरी संगठन र बिकासका योजनाहरुमा एकलौटी योजना बनाएको र हाल पनि आफ्नै चाहानाको नेतालाई भूमि समस्या समाधान आयोगको जिल्ला संयोजक बनाउन थालेको भनेर पार्टी भित्र बहस चर्किएको छ ।

पर्वत जिल्लामा रहेको माधव नेपाल समुहलाई पलेरै अगाडी बढेका गिरीलाई भूमि समस्या समाधान आयोगको जिल्ला सयोजकमा भने दातमा ढुंगा लाग्ने अबस्था आफ्नै पार्टी भित्रबाट देखा परेको छ । गिरीले नेता देवेन्द्रराज पाण्डेलाई संयोजक बनाउने भनेका छन् भने राष्टियसभा अध्यक्ष गणेश तिमिल्सीना र प्रदेश मन्त्री बिकास लम्सालले प्रेम लामिछानेलाई संयोजक बनाउने भित्रभित्रै तयारी गरेको नेकपाका एक नेताले सुचनाकेन्द्र डटकमलाई बताए ।

उनका अनुसार राष्टियसभा अध्यक्ष गणेश तिमिल्सीना र प्रदेश मन्त्री बिकास लम्सालसँग पछिल्लो समय साँसद गिरीको सम्बन्ध राम्रो छैन । केन्द्रका र प्रदेशका योजनाहरुमा समेत गिरीले आफुले ल्याएको भनेर प्रचार गरेको भन्दै उनीहरुले चित्त दुखाएका छन् । यस्तो अबस्थामा गिरीले सिफारीस गरेका नेता पाण्डे भूमि समस्या समाधान आयोगको जिल्ला सयोजक हुन कठिन छ ।

यसरी पुर्व एमाले भित्रको अन्तरबिरोधको फाईदा पुर्व माओवादी लिनसक्ने पनि एकथरी नेताहरुले तर्क गर्ने गरेका छन् । उता माधव नेपाल समुहमा रहेर नेकपाको कार्यलय सदस्य रहेका भक्त कुँवरले जिल्लाको सिफारीसको आधार केहि नभएको भन्दै केन्द्रले यसकुरामा हस्ताक्षेप गरेर योगदानको आधारमा जिम्मेबारी दिनेमा आफु बिस्वस्त रहेको आफु निकटका साथीहरुलाई बताउने गरेकाछनु ।

लाेक कल्याणकारी