पर्वत । स्थानिय सरकार गठन भएपछि पर्वत जिल्लाको महाशिला गाउँपालिकाले गौरबको योजनाको रुपमा अघि सारेको एक घर एक रोजगार दिने विकास स्वयंसेवक कार्यक्रमलाई महालेखा परिक्षकको कार्यालयले उपलव्धीबिहीनको साथै उक्त कार्यक्रममा गरिएको ठुलो शिर्षकका खर्चलाई अनुचित भनेको छ ।

कार्यक्रममा देखाएको खर्च बिवरणमा २ करोण ५० लाखको कार्यक्रममा २३ लाख ४२ हजार त तालिम र अन्तरकृयामा मात्रै खर्च गरिएको देखाइएको छ । महाशिला गाउँपापालिकामा जम्मा ६ वटा वडाहरु रहेका छन् । सामान्यरुपमा आकलन गर्दा एक वडामा झण्डै ४ लाख बराबरको कस्तो खालको अन्तरकृया र तालिम भएको होला भनि स्थानियहरुले प्रश्न समेत सोध्ने गरेका छन् ।

महालेखा परिक्षकको कार्यालयले हालै सार्वजनिक बार्षिक प्रतिवेदनमा विकास स्वयंसेवक कार्यक्रम सञ्चालन गरी ठुलो रकम खर्च गर्नु उचित नदेखिएको उल्लेख गरिएको छ । प्रतिवेदनमा महाशीला गाउँपालिकाले विकास स्वयंसेवक कार्यक्रम अन्तर्गत आर्थिक वर्ष ०७५ ७६ मा २ करोड ५० लाख बिनीयोजन गरी २३ लाख ४२ हजार रुपैया अन्तरक्रिया र तालिममा खर्चिको, ९० लाख ८० हजार स्वयंसेवकको पारिश्रमक र अन्य गरी १ करोड ३४ लाख २८ हजार खर्च गरेको उल्लेख गरिएको छ ।

सो खर्चलाई महालेखाले अनुचित खर्च भएको भन्दै अगामी योजनामा यस्ता खालका कार्यक्रमहरु समाबेश नगर्न समेत सुझाव दिएको छ । यस्तो अबस्थामा पनि गाउँपालिकाले चालु आर्थिक वर्षमा पनि उक्त कार्यक्रमका लागि १ करोड १० लाख रुपैया बिनीयोजन गरेको छ । महाशीला गाउँपालिकाले २०७५ सालदेखि उक्त कार्यक्रम शुरुवात गरेको हो । उक्त कार्यक्रम मार्फत अहिलेसम्म ३ सय ९३ जनाले रोजगारी पाएको गाउपालिकाले बताए पनि कार्यक्रम भने नियमित रुपमा नै बिवादमा तानिएको छ । जसमा ७० प्रतिशत महिला छन् । उनिहरुले काम गरेपछि दैनिक ५ सय ६० रुपैया पारिश्रमिक दिईँदै आएको छ ।

पर्वत जिल्लामा शुरुवाती चरणमा कार्यक्रमको राम्रो चर्चा भएको पनि पछिल्ला दिनहरुहरुमा कार्यक्रम बिवादित बनेको थियो । यस्तैमा महालेखाले दिएको सुझावले कार्यक्रमको प्रभावकारीता माथी नै प्रश्न उठाएको छ ।

यता गाउँपालिकाका अध्यक्ष राजुप्रसाद पौडेलले स्वयंसेवक कार्यक्रम निकै प्रभावकारी बनेको बताए । उनले प्रधानमन्त्री रोजगार कार्यक्रम जस्तै महाशीलाको यो अभियान भएकोले यसलाई निरन्तरता दिईरहने बताए । उनले यसवाट बेरोजगार परिवारलाई ठूलो राहत मिलेको बताए ।

लाेक कल्याणकारी