काठमाडौं । शनिबार मात्रै निशान छापमा कालापानी, लिपुलेक र लिम्पियाधुरासहितको नक्सा राख्ने प्रस्ताव संसदबाट पारित भएको छ । आज आइतबार राष्ट्रियसभाको बैठकले ‘नेपालको संविधान (दोस्रो संशोधन) विधेयक, २०७७ माथि विचार गरियोस्’ भन्ने प्रस्तावलाई सर्वसम्मतिले स्वीकृत पनि गरेको छ ।
यस विषयमा पूर्वराजा ज्ञानेन्द्र शाहले पनि प्रतिकृया जनाउनु भएको छ । सामाजिक सञ्जालमार्फत उहाँले खुःशी व्यक्त गर्नुभएको हो ।
उहाँले यस्तो लेख्नु भएको छ, ‘देशको भूगोल र सार्वभौमसत्ताको रक्षाका लागि राष्ट्रियताका मुद्दामा आम नेपालीको प्रतिनिधित्व वहन गरेका सबै राजनैतिक पार्टीका नेता एक हुनु अति सह्रानीय पक्ष हो।
आज(शनिबार)को दिन नेपालको इतिहासमा पक्कै सुदिनका रुपमा उद्धृत होला। अब यही प्रकारको एकता गुमेको हाम्रो भूमि प्राप्तिमा देखियोस्।’
देशको भूगोल र सार्वभौमसत्ताको रक्षाका लागि राष्ट्रियताका मुद्दामा आम नेपालीको प्रतिनिधित्व वहन गरेका सबै राजनैतिक पार्टीका नेता एक हुनु अति सह्रानीय पक्ष हो। आजको दिन नेपालको इतिहासमा पक्कै सुदिनका रुपमा उद्धृत होला। अब यही प्रकारको एकता गुमेको हाम्रो भूमि प्राप्तिमा देखियोस्।
— G. Shah (ज्ञानेन्द्र शाह) (@GBBShah) June 13, 2020
