सम्राट जिसी, रुपन्देही । मोरङ क्षेत्र नम्बर ५ बाट निर्वाचित प्रतिनिधिसभा सांसद् शिवकुमार मण्डलले नेपालको नयाँ नक्सा अनुसार संबिधानमै निशान छाप परिवर्तन गर्ने संबिधान संसोधन प्रस्तावमा आफु उपस्थित नभएको स्वीकार गर्दै अत्यन्तै पिडा बोध भएको बताउनुभएको छ ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

उहाँको सचिवालयले आज एक बिज्ञप्ती जारी गर्दै काम विशेषले जिल्लामा आएको समयमा हुइप जारी गरिएको सुचना ढिलो गरि थाहा पाएको र सो समयमा संसद् पुग्न नसक्ने भएकोले र जाँदा पनि पिसिआर जाँच नगरिकन सदनमा जान नमिल्ने नियमका कारणले समयमै उपस्थित हुन नसक्ने भएको र अन्य कुनै कारण नरहेको समेत जानकारी स्पष्ट पार्नुभएको छ ।

उहाँले संविधानको निशान छापमा रहेको नक्साको संसोधनका लागि सरकारले दर्ता गराएको संविधानको दोश्रो संसोधन विधेयक प्रतिनिधिसभाबाट सर्वसम्मत रुपमा पारित भएकोमा म अत्यन्त खुसि समेत ब्यत्तल गर्नुभएको छ। उहाँले सरकारको यो कदमले तीन करोड नेपालीको स्वाभिमान उच्च भएको बताउनुभएको छ ।

उहाँले कोरोनाका कारण जिल्लामा जनताहरुमा परेको समस्या बुझ्न आएका बेला आफु सहभागी हुन नपाएकोमा आत्मग्लानि भएको जानकारी समेत गराउनुभएको छ । उहाँले आम जनसमुदाय एवम् पार्टिका नेता कार्यकर्ता एवम् शुभचिन्तकलाई कारण थाहा नभएकोले सो प्रति म क्षमायाचना गर्नुभएको छ ।साथै, उक्त सदन चलिरहेको बेला प्रमुख सचेतकसंग संवाद भएको र आउन नसकिने कारण प्रमुख सचेतकलाई जानकारी गराएको बताउनुभएको छ

लाेक कल्याणकारी