पर्बत, कुश्मा । सरकारले कोरोना संक्रमण फैलन नदिन लकडाउनलाई थप कडाइ गर्न सुरु गरेको छ । तर कुश्मा बजारमा भने चहलपहल पहिलाको भन्दा कम देखिएको छैन । देश भरि कोरोनाभाइरसको संक्रमण दिनानुदिन बढिरहेको अबस्थामा यहाको बजारमा हुलमुल भएर हिड्ने र पसलहरु खोलेर भिडभाड जम्मा गर्ने कार्य भने जारी नै छ । बिशेस गरि बिहान र बेलुका निकै चहलपहल बढ्न थालेको छ । प्रहरी आउदा शटर बन्द गर्ने र पल्लो चोकमा नपुग्दै फेरि खोल्ने खेल लकडाउन शुरु भएदेखि नै कुश्मा बजारमा रमाईलो दृश्य देख्न सकिन्थ्यो बजारको दृश्य हेर्दा  कोरोनाको समस्या प्रहरिलाइ मात्र छ यहाँका ब्यापारीहरु रोग संग होइन कि प्रहरी संग जोगिन खोज्दै छन् ।

एकजनाको अटेरीले गर्दा भोलि सिंगो समाजलाई नै जोखिममा पर्ने सम्भावना हुन्छ  । देश भरि संक्रमितको संख्या २५८ पुगेको अवस्थामा कुश्मामा पनि साबधानी अपनाउन जरुरी देखिन्छ । अन्तरजिल्लामा हिँडडुल गर्न वितरण गरिएका पास खारेज भइसकेकोले सर्वसाधरणले पास बोकेर हिँडे पनि प्रहरीले रोकेर राखेको थियो। हाईवे चेकिंकमा हिजोदेखि कडाई गरिए पनि बजारभित्र बिनापसका सवारीसाधनहरु लुकिछिपी भने गुडिरहेका थिए ।

स्वास्थ्यकर्मी, सुरक्षाकर्मीहरु दिनरात खटिरहेको अवस्थामा प्रशासनको सूचनालाई पनि अबज्ञागरि जथाभाबी हिड्डुल गर्ने, अत्यावश्यक पसल बाहेक अन्य पसलहरु खोलेर भिडभाड जम्मा गरेर  लापरवाही गर्ने र सामान्य सावधानी समेत नअपनाउँने हो भने कोरोना फैलिन बेरै लाग्दैन ।अहिले सम्म बजार भित्र कोहिपनि संक्रमित नभए पनि यसरि नै हेलचेक्र्याइँ र लापरवाही बढ्यो भने संक्रमण फैलने जोखिम बढ्दो देखिन्छ कुश्मा पनि । गृह मन्त्रालयले भोलि शनिबारबाट लागू हुने गरी जिल्लाभित्र सञ्चालन गर्न दिइएको पाससमेत खारेज गर्ने निर्णय गरेको अवस्थामा अब हुने लकडाउन कडा हुने समेत देखिएको छ ।

लाेक कल्याणकारी