सम्राट जिसी, रुपन्देही । कोरोनो भाइरस रोकथामको लागि सरकारले कडाइको रुपमा लकडाउन गरे पछी मजदुरहरु निकै मारमा परेका छन । पछिल्लो करिब एक महिना देखी सरकारले देशभरि लागु गरेको लकडाउनका कारण पुर्वपश्चिम लोकमार्गमा पैदल हिडेर घर जान थालेका पैदल यात्रीहरुलाई देवदह १० चरङ्गे रुपन्देहीका केही मनकारी युवाहरूले बाटोमा निशुल्क चाउचाउ बिस्कुट पानीसैतको खाजा नस्ताको व्यवस्था गरेका हुन ।
लकडाउनका कारण पुर्वपश्चिम लोकामार्गमा यात्रुवाहक गाडीहरु नचले पनि सडकमा पैदल नै हिडेर घर तर्फ जाने यात्रुहरुको लाईन लागेको अवस्थामा सयौं पैदल यात्रुहरु भोकभोकै हिडेको पाईए पछि देवदह १० चरङ्गे रुपन्देहीका केही मनकारी युवाहरुले पुर्वपश्चिम राजमार्गमा यात्रा गर्ने पैदल यात्रुहरुलाई खाजा नस्ताको ब्यवस्था गरेको चरङ्गेका युवा नेता तथा व्यावसायि बिश्वास गुरुङले बताएका छन ।
बाटोमा यस्तो विचल्ली अवस्थामा महिला र केटाकेटीहरुको हिडाई र भोक देख्दा मन खिन्न भए पछि निशुल्क खाजा नस्ता खुवाएर पठाउने पाउदा आफुलाई मनमा शन्ति मिलेको र खुसी भएको युवा व्यावसायि तथा युवा नेता बिश्वास गुरुङले बताए ।
