पर्वत । नेपाल कम्युनिष्ट पार्टी (नेकपा) कुस्मा नगर कमिटी पर्वतको संयोजनमा कुस्माबजारका ५ स्थानमा हातधुने ब्यबस्थित स्थल सञ्चालनमा आएका छन । कुस्मामा बाहिरबाट आउने सर्वसाधरणलाई सजिलो होस भनेर मुख्यचोकहरुमा र बसबाट ओर्लनले स्थानमा हात धुने स्थल सञ्चालनमा आएका हुन ।
नेकपा कुस्मा नगरकमिटीले कुस्माको शिबालयचोक, लोकतान्त्रिकचोक, धनेश्वरचोक, मेलमिलापचोक र बड्गाउँमा हातधुने ठाउँ बनाएको छ । हातधुने स्थानमा साबुन, ह्याण्ड वासर र पानीको ब्यबस्थापन गरिएको छ । कोरोनाको संक्रमण फैलन नपाओस र बजारमा आउनेहरुले समेत सहज रुपमा हात धुने अबस्था सृजना गर्न यस्तो ब्यबस्था गरिएको नगरकमिटीका अध्यक्ष शंकर गिरीले जानकारी दिनुभयो ।
यसैबिच धनेश्वरचोकमा रहेको हातधुने स्थानको औपचारिक उद्घाटन गरि अभियानको शुरुवात गरिएको छ । प्रेस संगठन नेपालका पूर्ब केन्द्रिय बरिष्ठ उपाध्यक्ष तथा नेपाल पत्रकार महासंघ पर्वतका पुर्ब अध्यक्ष दुर्गाप्रसाद शर्माले उक्त स्थलमा हात धोएर औपचारिक शुरुवात गर्नुभएको हो । कार्यक्रममा नेकपा पर्वतका कार्यालय सदस्य भक्त कुवँर, नगरकमिटी अध्यक्ष शंकर गिरी, जिल्ला सदस्य बिजयराज सापकोटा लगायतले पार्टीका कमिटीहरु पनि संकटको बेला जनचेतना र राहतका काममा जुटनु आबश्यक भएको कुरामा जोड दिनुभयो ।
