चन्द्रौटा(कपिलवस्तु)।
थारु कल्याणकारिणी सभा शिवराज नगर समिति कपिलवस्तुले शिवराज ६, पिपरीको अग्नीपीडित खुशीराम थारुलाई राहत वितरण गरेको छ ।
थारु कल्याणकारिणी सभा जिल्ला सचिव जगतदेव चौधरी, नगरअध्यक्ष इन्द्र बहादुर थारुसहितको टोली अग्नीपीडितको घरमा पुगी राहत राहत प्रदान गरेको हो ।
समितिले राहत स्वरुप खाद्यान्न, भाँडाकुँडा, त्रिपाल, सुत्ने खाट र नगद प्रदान गरेको था.क.स. नगर अध्यक्ष इन्द्रबहादुर थारुले जानकारी दिए । राहत वितरण कार्यक्रममा जिल्ला सदस्य बबिता थारु, नगरसचिव प्रकाश थारु, नगर सदस्य सोहराम थारु, शिवमोहन थारु, थारु बुद्धिजिवी समाजसेवी रामचन्द्र थारु लगायत पीडितको घर पुगेका थिए ।
हावाहुरीका क्रममा गत आइतबार दिउँसो आगलागी हुँदा पीडित खुशीराम थारुको घरमा रहेको लत्ताकपडा, खाद्यान्न लगायत जलेर नष्ट भएको थियो । आगलागीबाट पीडित परिवार खुल्ला आकाशमा बस्न बाध्य छन् ।
