सुचनाकेन्द्र संवाददाता प्रकाशित : २०७६/११/१० गते
रुपन्देही । हास्य कलाकार मनोज गजुरेलले कमेडी च्याम्पियन कार्यक्रमको एउटा एपिसोडमा अ हे ब (स्वास्थ्य कर्मि)माथी व्यंग्य शैलीमा गरेको टिप्पणी र प्रस्तुती प्रती नेपाल स्वास्थ्यकर्मी सहायक समूह केन्द्रिय समितीले आपत्ति जनाएको छ ।
अति दुर्गम बस्तीमा पुगेर जनताको सेवामा खटिएर काम गरिरहेका स्वास्थ्यकर्मी अ हे ब साथीहरू माथी अपमान हुनेगरि ब्याङ्ग्यात्मक शैलीमा टिप्पणी गर्नु दु:खद रहेको कुरा नेपाल स्वास्थ्यकर्मी सहायक समूह केन्द्रिय समितिका अध्यक्ष गणेश न्यौपानेले जानकारी दिनुभयो।
न्यौपानेले यसरी सार्बजनिक कार्यक्रममा समग्र अ हे व स्वास्थ्यकर्मीहरुको भावनामा ठेस पुग्ने गरि गरेको टिप्पणी कमेडी च्याम्पियनको एक शृङ्खलामा प्रतियोगी सुमन कोइरालाको प्रस्तुति पछि जज् हरुले टिप्पणी गर्ने क्रममा मनोज गजुरेलले अहेव भनी किटान गरेर व्यंग्य गरेका थिए ।
