श्रीभद्र पौडेल, हेमजा, । अन्नपूर्ण गाउँपालिका–३, पाउँदुर, धारापानी स्थित शिवालय मन्दिरको सर्वाङगीर्ण विकासका लागि जारी शिवमहापुराण धनधाञ्यान्चल महायज्ञ अन्र्तगत आइतवार विदेशीको समेत सहभागिता रहयो। यज्ञमा आइतवार जर्मनी, फ्रान्स तथा अमेरिकाका नागरिकले सहभागिता जनाएका हुन् ।आयोजकले रामनामानी तथा खादाले स्वागत गर्दा उनीहरु दङग परेका थिए । आइतवारसम्म कुल रु.१३ लाख २६ हजार ७ सय १६ दान संकलन भएको छ।जसमध्ये आइतवार तिलबहादुर खत्री थापाको परिवारबाट एकमुष्ठ रु. ५२ हजार ५ सय ५ दान सहयोग प्राप्त भयो ।
त्यस्तै पत्थर निवासी भेषराज पौडेलको परिवारबाट ५० हजार ५ सय ५५, सामाजिक वातावरणीय आमा समूह अन्नपूर्ण ३ बाट रु.२५ हजार २ सय ३०, माझथोक निवासी चन्द्रकली पौडेलको परिवारबाट रु.२५ हजार १ सय पाँच लगायत थुपै व्यक्ति एवम् संघसंस्थाले नगद तथा जिन्सी सहयोग गरेका छन्।यज्ञ अन्र्तगत शिवमहापुराणको कथा वाचन, रुद्राभिषेक, हवन, धनधाञ्यान्चल, तुलादान, वेद पाठपारायण, सामुहिक ब्रतबन्ध, चौरासी पुजा, चण्डिपाठ लगायतका कार्यक्रम भइरहेका छन् ।
जस मार्फत संकलित रकमबाट मन्दिरको पुनःनिर्माण गर्ने, नियमित पुजाका लागि अक्षयकोष स्थापना गर्ने, बहुउद्देश्यीय धर्मशाला बनाउने, अन्नपूर्ण माताको मन्दिर निर्माण गर्ने, मूल प्रवेशद्वार बनाई मन्दिर परिषरमा पक्की पर्खाल लगाउने तथा पर्यटन वर्ष २०२० लाई सघाउँदै धार्मिक पर्यटनका टेवा पु¥याएने लक्ष्य राखिएको छ। यहि माघ १८ गतेसम्म चल्ने यज्ञमा भागवत् भाष्कर प.कमलनयन गौतमले नियमित कथा प्रवचन गरिरहेका छन् ।
