काठमाडौं । तत्कालीन एमाले र माओवादी केन्द्र एकीकरण भएको २० महिना बितिसकेको छ । दुवै दल मिलेर बनेको नेकपामा केपी ओली र पुष्पकमल दाहाल प्रचण्ड अध्यक्ष छन् । प्रचण्डलाई कार्यकारी अध्यक्षको जिम्मेवारीसमेत दिइएको छ । तर, पार्टीको कार्यकारी अधिकार प्राप्त गरेपछि सभामुख चयनको मामिलामा प्रचण्ड साविक माओवादी कित्ताको मात्र अध्यक्षको भूमिकामा देखिएको भन्दै नेकपामा असन्तुष्टि देखिन थालेको छ ।

सभामुख चयनको विषय पे’चि’लो बन्दै जाँदा प्रधानमन्त्री ओली र प्रचण्डबीच सम्बन्धमै ति’क्तता बढेको छ । सोही कारण पछिल्लो समय नेकपा केन्द्रीय सचिवालयको बैठकसमेत औपचारिकतामै सीमित बन्न थालेको छ । सचिवालयको निर्णयलाई उपसभामुख डा.शिवमाया तुम्बाहाङ्फेले चुनौती दिएपछि ओली र प्रचण्डबीच एकअर्कामा अविश्वासको अवस्था सिर्जना भएको नेकपाका नेताहरूले बताउन थालेका छन् ।

अझ वामदेव गौतमको भैंसेपाटीस्थित निवासमा प्रचण्ड, माधवकुमार नेपाल, झलनाथ खनाल, नारायणकाजी श्रेष्ठबीच भएको बैठकलाई लिएर ओली निकै झस्केको बुझिएको छ । भैंसेपाटी बैठक आफूलाई एक्ल्याउने रणनीतिअन्तर्गत भएको बुझाई प्रधानमन्त्री ओलीको छ ।

भैंसेपाटी बैठकले वामदेव गौतमलाई पार्टीमा भूमिका दिने, राष्ट्रिय सभाका सदस्य पनि प्रधानमन्त्री बन्ने गरी संविधान संशोधनको विषयमा नेताहरूबीच सहमति भएपछि ओली आक्रोशित भएको स्रोतले बतायो । जसले गर्दा अहिले ओलीले प्रचण्डप्रति निकै अविश्वास गर्न थालेका छन् ।

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सभामुखमा सुवासचन्द्र नेम्वाङको नाम सिफारिस नभएसम्म उपसभामुख तुम्बाहाङ्फेलाई राजीनामा नदिन प्रधानमन्त्री ओलीले नै दबाब दिइरहेको प्रचण्ड पक्षीय नेताहरूले अनुमान गर्न थालेका छन् । सोही कारण पूर्वमाओवादी पक्षीय नेताहरूले अन्तिमसम्म नगल्न प्रचण्डलाई दबाब दिइरहेका छन् ।

यदि सभामुख पूर्वएमालेको पोल्टामा गए आफूहरूको हैसियत मालेसँग एकीकरण हुँदा माक्र्सवादी नेताहरूको जस्तै हुने निचोडमा पूर्वमाओवादी नेताहरू पुगेका छन् । सभामुखमा पूर्वएमालेले दाबी नछाडे प्रधानमन्त्री फेर्नुपर्ने प्रस्ताव अघि सार्न प्रचण्डमाथि दबाब बढेको छ ।याे विषयमा पूर्वमाओवादी हरिबाेल गजुरेलले सार्वजनिक अभिव्यक्ति दिइसकेका छन् ।

लाेक कल्याणकारी