काठमाडौं । सभामुख चयनका लागि बाटो खुल्ला गर्न उमसभामुख डा. शिवमाया तुम्बाहाङ्फेले राजीनामा दिने तयारी गरेकी छन । नेपाल कम्युनिष्ट पार्टी (नेकपा)का अध्यक्ष केपी शर्मा ओली र पुष्पकलम दाहाल प्रचण्डसँग भेटवार्ता गरी उपसभामुख तुम्बाहाङ्फेले राजीनामा दिने तयारी गरेकी हुन् ।

तुम्बाहाङ्फेले शुक्रबार प्रधानमन्त्री निवास बालुवाटारमा पुगेर दुई अध्यक्षसँग ३० मिनेटको छलफल गरेकी थिइन् हाल उप-सभामुख रहेकी तुम्बाहाङ्फेले दुई अध्यक्षसँग आफुलाई सभामुख बनाउन माग गरेकी छन् ।उपभामुखको पद छाडेमा मन्त्री बनाउने आश्वासन दुई अध्यक्षले उपसभामुख तुम्बहाङ्फेलाई यस अघिनै दिसकेका छन् ।

गत असोज १२ गते संसद सचिवालयकै एक महिला कर्मचारीमाथि यौ’न दुराचारको आरोपमा तत्कालीन सभामुख कृष्णबहादुर महरा जेल गएसँगै सभामुखको पद रिक्त छ ।नेकपाभित्र सभामुख कसलाई बनाउने भन्ने विषय अझै पनि विवाद कायम छ । सभामुखका लागि ओलीले सुवास नेम्वाङ र प्रचण्डले अग्नि सापकोटालाई अघि सारेपछि विवाद बढ्दै जादा प्रतिनिधिसभाको हिउँदे अधिवेशन अनिश्चित बनेको छ ।

एकै पार्टीको सभामुख र उपसभामुख हुन नपाउने संबैधानिक व्यवस्थाका कारण र नेकपाले सभामुख आफु राखेर उपसभामुख अन्य दललाई दिने तयारीका कारण प्रतिनिधिसभा अहिले सभामुख बिहिन बनेको छ।

उपसभामुख तुम्बहाङ्फेले राजीनामा नदिए सम्म नेकपाबाट सभामुखको उम्मेदवार दिन नपाउने संवैधानिक व्यवस्था छ । जसको कारण उपसभामुख तुम्बहाङ्फेले राजीनामा दिएपछि प्रतिनिधिसभा सदस्यमध्ये जेष्ठ सदस्यले प्रतिनिधिसभाको बैठक राखी सभामुख चयन प्रक्रिया अघि बढाउनुपर्छ ।सभामुख र उपसभामुख दुई फरक दलको फरकफरक लिङ्ग भएको हुनुपर्ने संवैधानिक व्यवस्था छ ।

लाेक कल्याणकारी