शिशिर पोखरा  पोखरा १९ तल्लाकोटस्थित विन्ध्येश्वरी माध्यमिक विद्यालयको अध्यक्षमा आनन्दराज अधिकारी चयन भएका छन् ।

विद्यालयमा शुक्रबार सम्पन्न अभिभावक भेलाले अधिकारीको अध्यक्षतामा ७ सदस्यीय विद्यालय व्यवस्थापन समिति गठन गरेको हो । समितिको सदस्यमा हेम बहादुर तामाङ, तारा बास्तोला,गिता अधिकारी बास्तोला ,शिक्षक प्रतिनिधी अर्जुन अधिकारी , वडा अध्यक्ष पुष्पेन्द्र पाण्डे र सदस्य सचिवमा विद्यालयका प्रधानाध्यापक श्रीराम आचार्य चयन भएका हुन् । त्यस्तै भेलाले शिक्षक अभिभावक संघ पनि गठन गरेको छ । संघको अध्यक्षमा मान बहादुर के सी,सदस्यहरुमा राजेन्द्र बास्तोला,नारायण प्रसाद बास्तोला,तेजमाया आचार्य,बबिता ढुङ्गाना ,झरना वि.क ,सुनिता नेपाली,देवि तामाङ, शिक्षक प्रतिनिधी शिव प्रसाद पौडेल, पदेन सदस्यमा आनन्दराज अधिकारी र सदस्य सचिवमा श्रीराम आचार्य रहेका छन् ।

भेलामा बोल्दैं वडाध्यक्ष पुष्पेन्द्र पाण्डेले सरकारले जारी गरेको नयाँ नियमावली अनुसार समिति गठन भएको जानकारी दिदैंै, विद्यालयको समग्र विकासमा काम गर्न सुझाव दिए । उनले ग्रामिण क्षेत्रका विद्यालयमा विद्यार्थीको आर्कषण घट्दो अवस्थामा रहेको बताउँदै समितिले विद्यार्थीको आर्कषण बढाउने खालका योजना बनाउनुपर्नेमा जोड दिए । विद्यालयका अध्यक्ष एकराज ढुङ्गानाको अध्यक्षतामा भएको कार्यक्रममा पोखरा महानगरपालिका शिक्षा महाशाखाका शिक्षा अधिकृत जीवन प्रसाद रेग्मी, वडा सदस्य विकास कुमार आचार्य, सामाजिक व्यक्तित्व कोमल प्रसाद बास्तोला, देवराज गौतम, विद्यालयका सल्लाहकार शंकर ढुङ्गाना, शि अ संघका अध्यक्ष शिब बहादुर के सीलगायतले विद्यालयको चौतर्फि विकासमा सबैसँग हातेमालो गरेर अगाडी बढ्नुपर्ने बताए ।

भेलामा स्वागत विद्यालयका प्रधानाध्यापक श्रीराम आचार्य र कार्यक्रम संचालन सहायक प्रधानाध्यापक मिनराज ढुङ्गानाले गरेका थिए ।

लाेक कल्याणकारी