पर्वत । पर्वतको मोदी गाउँपालिकाले स्थानीय कला, संस्कृति तथा मौलिक परम्पराको संरक्षण गर्ने उद्देश्यले वडा नं. २ देउपुर र वडा नं. ३ देउरालीका कोटकालिका बाजा समूहलाई परम्परागत बाजा हस्तान्तरण गरेको छ।

बाजा हस्तान्तरण कार्यक्रममा गाउँपालिका अध्यक्ष हिरा देवी शर्माले मौलिक संस्कृति र परम्पराको संरक्षण स्थानीय सरकारको दायित्व भएको बताउँदै यस्ता कार्यक्रमले नयाँ पुस्तामा आफ्नो पहिचान हस्तान्तरण गर्न सहयोग पुग्ने बताउनुभयो। (बाइट)

प्रमुख प्रशासकीय अधिकृत बाबुराम पुरीले परम्परागत बाजाको संरक्षणले स्थानीय कला–संस्कृतिको जगेर्ना हुनुका साथै समुदायमा सांस्कृतिक चेतना अभिवृद्धि हुने विश्वास व्यक्त गर्नुभयो।

गाउँपालिकाले यस अभियानले लोपोन्मुख सांस्कृतिक सम्पदाको संरक्षण, स्थानीय कलाकारको मनोबल वृद्धि तथा मौलिक संस्कृतिको प्रवर्द्धनमा महत्वपूर्ण योगदान पुग्ने जनाएको छ।

लाेक कल्याणकारी