पर्वत । विहादी गाउँपालिकाका अध्यक्ष परवीन गुरुङले जातीय विभेदको अन्त्य समाजका सबै तहबाट हुनुपर्ने बताउनुभएको छ।

गाउँपालिकाले सञ्चालन गरिरहेको दलित सशक्तीकरण कार्यक्रमअन्तर्गत वडा नम्बर २ बर्ऱाचौरमा आयोजित कार्यक्रममा बोल्दै अध्यक्ष गुरुङले दलित समुदायले अहिले शिक्षा, राजनीति र सामाजिक क्षेत्रमा उल्लेखनीय अवसर प्राप्त गरिरहेको उल्लेख गर्नुभयो। उहाँले अब कुनै पनि समुदायमाथि विभेद हुन नहुने र वर्ण व्यवस्थाबाट सिर्जित विभेद अन्त्यका लागि गाउँपालिका प्रतिबद्ध रहेको स्पष्ट पार्नुभयो।

कार्यक्रममा उपाध्यक्ष मिना तिवारीले जातीय छुवाछुतको अन्त्य आजको प्रमुख आवश्यकता भएको बताउनुभयो।

सञ्चारकर्मी दीपेश वी. पोखरेलको सञ्चालन तथा पत्रकार साजन परियारको सहजीकरणमा सम्पन्न कार्यक्रममा गाउँपालिकाले पालिकाभित्रका सबै ६ वटै वडामा दलित समुदायको सशक्तीकरण र नेतृत्व विकाससम्बन्धी प्रशिक्षण कार्यक्रम सञ्चालन भइरहेको जानकारी दिइएको छ।

लाेक कल्याणकारी