पर्वत । मोदी गाउँपालिकाले सञ्चालन गरेको तिलाहार बोरिङ खानेपानी आयोजना सफल भएको छ। गाउँपालिकाकै पहिलो बोरिङ प्रविधिमा आधारित खानेपानी आयोजनाबाट करिब १६० घरधुरी प्रत्यक्ष रूपमा लाभान्वित हुने भएका छन्।

वर्षौंदेखि खानेपानीको अभाव झेल्दै आएका तिलाहारका स्थानीयका लागि आयोजना महत्वपूर्ण उपलब्धि बनेको छ। परम्परागत मुहान सुक्दै जानु, सुक्खायाममा पानीको चरम अभाव हुनु तथा जलवायु परिवर्तनका कारण बढ्दो खानेपानी संकटलाई मध्यनजर गर्दै भूमिगत जलस्रोतको उपयोग गरी आयोजना सञ्चालन गरिएको हो।

गाउँपालिका अध्यक्ष हिरादेवी शर्माले नागरिकलाई स्वच्छ र सुरक्षित खानेपानी उपलब्ध गराउनु स्थानीय सरकारको पहिलो दायित्व भएको बताउनुभयो। तिलाहार बोरिङ खानेपानी आयोजना ‘एक घर–एक धारा’ अभियानको महत्वपूर्ण सफलता भएको उल्लेख गर्दै उहाँले खानेपानी नागरिकको आधारभूत आवश्यकता मात्र नभई आधारभूत अधिकार पनि भएकाले गाउँपालिकाले यस क्षेत्रमा निरन्तर लगानी गरिरहेको बताउनुभयो।

उहाँले तिलाहारमा बोरिङमार्फत सफलतापूर्वक पानी निकाल्न सफल हुनु गाउँपालिकाका लागि ठूलो उपलब्धि भएको बताउँदै आवश्यकता र सम्भाव्यताका आधारमा अन्य खानेपानी संकटग्रस्त बस्तीमा पनि यस्ता दिगो योजना विस्तार गरिने बताउनुभयो।

गाउँपालिका उपाध्यक्ष बिमल लामिछानेले तिलाहारको वर्षौंदेखिको खानेपानी समस्या समाधानतर्फ आयोजना प्रभावकारी बनेको बताउनुभयो। सुरक्षित खानेपानीले स्वास्थ्य, सरसफाइ र समग्र जीवनस्तर सुधारमा सकारात्मक प्रभाव पार्ने भन्दै स्थानीय सरकार नागरिकको दैनिक आवश्यकतासँग प्रत्यक्ष जोडिएका योजनालाई प्राथमिकतामा राखेर अघि बढिरहेको उहाँको भनाइ छ।

प्रमुख प्रशासकीय अधिकृत बाबुराम पुरीले प्राविधिक अध्ययनपछि तिलाहार क्षेत्रमा पर्याप्त भूमिगत जलस्रोत रहेको पुष्टि भएपछि बोरिङमार्फत पानी निकाल्ने योजना अघि बढाइएको बताउनुभयो। परीक्षण सफल भएसँगै अब करिब १६० घरधुरीले नियमित र सुरक्षित खानेपानी सुविधा प्राप्त गर्ने उहाँले जानकारी दिनुभयो।

उहाँका अनुसार बोरिङ प्रविधिबाट प्राप्त पानीले वर्षायाम र सुक्खायाम दुवै समयमा नियमित आपूर्ति गर्न सक्ने भएकाले परम्परागत मुहानमा निर्भरता घट्ने अपेक्षा गरिएको छ। यससँगै खानेपानी अभावका कारण दैनिक घण्टौँ समय पानी बोक्नुपर्ने स्थानीय महिला, ज्येष्ठ नागरिक र बालबालिकाले राहत महसुस गर्ने विश्वास गरिएको छ।

मोदी गाउँपालिकाले सुरक्षित खानेपानीलाई विकासको आधारभूत पूर्वाधारका रूपमा प्राथमिकता दिँदै मुहान सुक्दै गएका तथा खानेपानी संकट भएका अन्य बस्तीमा पनि बोरिङसहित वैकल्पिक प्रविधिमा आधारित आयो

लाेक कल्याणकारी