गोविन्द रिजाल,पर्वत । माडीको बसन्तपुरमा जारी २७औं माडी गोल्डकप अण्डर-१८ राष्ट्रिय फुटबल प्रतियोगितामा पटिहानी फुटबल क्लबलाई हराउँदै मर्दीखोला युनाईटेड क्लब,पर्वत फाइनलमा प्रवेश गर्यो । फाइनलमा आयोजक बसन्तपुर युनाइटेड क्लब र मर्दीखोला युनाइटेड क्लब पर्वत भिँड्ने भएका छन् ।आज सम्पन्न दोश्रो सेमीफाइनलमा पटिहानी फुटबल क्लबलाई ३-० गोलअन्तरले पराजित गर्दै युनाइटेड पर्वत फाइनल प्रवेश गरेको हो ।

निकै प्रतिस्पर्धात्मक खेलमा मर्दीखोलाका लागि २ गोल गर्न सफल पेम्बा तामाङ म्यान अफ द म्याच घोषित भए । खेल निकै राम्रो र सोचे अनुरूप भएको मर्दीखोला युनाईटेड क्लब पर्वतका टिम कोच अर्जुन बस्याल ले हामीलाई बताउनु भयो । यसअघि, खेलको पहिलो सेमीफाइनलमा वाकओभर पाउँदै बसन्तपुर युनाइटेड फाइनल प्रवेश गरेको थियो । फाइनल खेल शनिवार भोलि दिउँसो २:३० बजे सञ्चालन हुने खेल तालिका रहेको छ । प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ ।

लाेक कल्याणकारी