​पर्वत । जिल्ला प्रशासन कार्यालय पर्वतका नवनियुक्त प्रमुख जिल्ला अधिकारी लक्ष्मीप्रसाद पौडेल र पर्वतमा क्रियाशील पत्रकारहरूबीच परिचय तथा अन्तरक्रिया कार्यक्रम सम्पन्न भएको छ। यही पुस १९ गते मात्रै पर्वतमा सरुवा भई आउनुभएका प्रजिअ पौडेलले पदभार ग्रहण गरेसँगै सञ्चारकर्मीहरूसँग साक्षात्कार गर्नुभएको हो।

​​अन्तरक्रियाका क्रममा प्रमुख जिल्ला अधिकारी पौडेलले पत्रकारिता क्षेत्रलाई समाजको मार्गदर्शक र ऐनाको रूपमा परिभाषित गर्नुभयो। आगामी निर्वाचनको सन्दर्भलाई जोड्दै उहाँले भन्नुभयो: ​”पर्वत जिल्लाको शान्ति, सुरक्षा र समृद्धिका लागि सकारात्मक सन्देश प्रवाह गर्न पत्रकारहरूको भूमिका ठुलो रहन्छ। निर्वाचनलाई स्वच्छ र मर्यादित बनाउन जनमानसमा उत्साहजनक र सकारात्मक सूचना सम्प्रेषण गरिदिन म आग्रह गर्दछु।”
​
​कार्यक्रममा सहभागी पर्वतका क्रियाशील पत्रकारहरूले नयाँ प्रजिअलाई स्वागत गर्दै जिल्लाको सुशासनका लागि विभिन्न सुझावहरू दिएका थिए। पत्रकारहरूले मुख्य गरी निम्न बुँदामा प्रशासनको ध्यानाकर्षण गराए:
​प्रशासनिक सुधार: सरकारी सेवा प्रवाहलाई ढिलासुस्तीमुक्त र चुस्त-दुरुस्त बनाउनुपर्ने।
​नागरिक पहुँच: राज्यले दिने सेवामा सबै नागरिकको समान पहुँच पुर्‍याउन विशेष पहल हुनुपर्ने।
​सुशासन: भ्रष्टाचार न्यूनिकरण र पारदर्शी प्रशासनमा जोड दिनुपर्ने।

​नवनियुक्त प्रजिअ पौडेलले पत्रकारहरूबाट आएका सुझावलाई मनन गर्दै प्रशासनले नागरिकको हितमा काम गर्ने र सूचना प्रवाहमा सधैँ खुला रहने प्रतिबद्धता जनाउनुभयो।

परिचय कार्यक्रममा जिल्लाका विभिन्न मिडियामा कार्यरत पत्रकारहरूको उपस्थिति रहेको कार्यक्रमकाे सञ्चालन साहेक प्रजिअ गणेश प्रसाद पाैडेलले गर्नुभएकाे थियो।

लाेक कल्याणकारी