शकर सुबेदी काठमण्डाैँ । राष्ट्रिय स्वतन्त्र पार्टी का नेता प्रणय राणाले काठमाडौँ–५ बाट उम्मेदवारी दिने आकांक्षा ब्यक्त गरेका छन्। उनी आफूलाई पपुलिस्ट भन्दा कार्यरत र काम देखाउने (एक्सन-बेस्ड) राजनीतिको अभ्यासी भनेर चिनाउँछन्।

२०७९ को चुनावमा उक्त क्षेत्रबाट तेस्रो स्थान प्राप्त गरेपनि, उनले त्यतिबेलादेखि नै क्षेत्रमा निरन्तर रुपमा सेवा गरिरहेका छन्। उनले स्थानीय स्तरमा निःशुल्क अक्सिजन सेवा जस्ता कार्यक्रम सञ्चालन गरेका छन् भने ३०० भन्दा बढी नागरिकहरूलाई कानूनी सहयोग पुर्याएका छन्।

पार्टी भित्र पनि उनले संगठन, विधान तथा कार्यविधिमा विदेशमा बसोबास गर्ने नेपालीहरू (एनआरएन) को हक-अधिकार सम्बन्धी जागरूकता बढाउने काम सक्रिय रूपमा गरेका छन्।

राणा नेपाली सेनाका पूर्व अधिकारी हुन्। देश शान्ति प्रक्रियामा लागेपछि उनी अन्तर्राष्ट्रिय द्वन्द्व व्यवस्थापनमा उच्च अध्ययन गर्न अमेरिका गए र पीएचडी गरे। कोभिड–१९ को महामारीको समयमा उनी अमेरिकाबाट नेपाल फर्केर दुई वर्षसम्म कोभिड नियन्त्रणको अग्रिम मोर्चामा काम गरे।

विदेशमा रहने नेपाली समुदायको मुद्दा उठाउनुका साथै, स्थानीय युवा र बुद्धिजीवी समुदायले पनि उनको उम्मेदवारीलाई सकारात्मक रूपमा लिएका छन्। विश्लेषकहरूको भनाई छ कि राणाजस्ता नयाँ पुस्ताका कार्यरत नेताहरू नेपाली राजनीतिमा सुशासन र काम गर्ने संस्कृति ल्याउन सक्छन्।

यसपटक पनि काठमाडौँ–५ निर्वाचन क्षेत्रमा कडा प्रतिस्पर्धा हुने देखिन्छ।

लाेक कल्याणकारी