गोविन्द रिजाल,पर्वत। पर्वत उधोग वाणिज्य संघको स्वर्ण जयन्तिको अवसरमा आयोजित गण्डकी प्रदेश स्तरीय औधोगिक व्यापार मेला तथा आठौ पर्बत महोत्सबमा आयोजित गण्डकी प्रदेश अन्तरपालिका स्तरिय पुरुष भलिबल प्रतियोगिताको पहिलो सनसनी पूर्ण सेमिफाइनल खेलमा कुश्मा नगरपलिकालाई ३-२ को सेटमा पराजित गर्दै गलकोट सुजाता होटल फाईनलमा प्रबेश गर्यो ।

कुश्मा बजारस्थित बडागाउँचौरको खेलमैदानमा आज भएको पहिलो सेमिफाइनलमा गलकोट सुजाता होटलले पहिलो सेट २५-२० ले आफ्नो पोल्टामा पर्दा दोस्रो सेट कुश्मा नगरपलिकाले २५-२३ ले जित्यो तेस्रो सेट फेरी गलकोट सुजाता होटलले २५-२१ले जित निकाल्दा चौथो सेटमा कुश्मा नगरपलिकाले २५-२३को जित निकाल्दै खेलमा फर्कियो तर अन्तिम सेटमा भने उत्कृस्ट खेल पस्कदै गलकोट सुजाता होटलले १५-१२ को जित निकाल्दै फाईनलमा आफ्नो स्थान सुरक्षित बनायो ।

त्यस्तै आज भएको दोस्रो सेमिफाइनल बिरुवा गाउँपालिका,स्याङ्गजा र फलेबास नगरपालिका,पर्बत बीच भएको निकै घम्साघम्सी खेलमा ३-० को सोझो सेटमा फलेबास नगरपालिका,पर्बतलाई हराउदै बिरुवा गाउँपालिका,स्याङ्गजाले फाईनलमा गलकोट सुजाता होटल संग को भिडन्त पक्का गर्यो । बिरुवा गाउँपालिका,स्याङ्गजाले पहिलो सेट २५-१७ दोस्रो सेट २५-२३ र अन्तिम सेट २५- १३ ले जित निकाल्दै फाईनलमा आफ्नो स्थान सुरक्षित गरेको हो । फाईनलखेल भोली हुने छ ।

बेस्ट अफ फाईप लिगकम नकआउट चरणमा खेलाएको खेलमा प्रथम हुनेलाई सर्बाधिक पुरस्कार २,२२,२२२/ (दुईलाख बाईसहजार दुईसय बाईस रुपयाँ ,सिल्ड मेडल र प्रमाणपत्र) दोश्रो लाई १,११,१११/ (एकलाख एघारहजार एकसय एघार रुपयाँ, सिल्ड मेडल र प्रमाणपत्र) तृतीय हुने लाई नगद ५५,५५५/ (पचपन्न हजार पाँचसय पचपन्न रुपयाँ ,सिल्ड मेडल र प्रमाणपत्र) र सान्त्वना टिमलाई पनि २२,२२२/ (बाईस हजार दुईसय बाईस रुपयाँ, सिल्ड मेडल र प्रमाणपत्र) रहेको छ साथै उत्कृस्ट विधाहरु पनि रहेको महोत्सवका खेलकुद संयोजक प्रदिप तिमिल्सिना हाम्रो सूचना केन्द्र डटकम लाई जानकारी गराउनु भयो।

लाेक कल्याणकारी