गोबिन्द, पर्बत । पर्वत उधोग वाणिज्य संघको स्वर्ण जयन्तिको अवसरमा आयोजित गण्डकी प्रदेश स्तरीय औधोगिक व्यापार मेला तथा आठौ पर्बत महोत्सबमा आयोजित गण्डकी प्रदेश अन्तरपालिका स्तरिय पुरुष भलिबल प्रतियोगितामा आज सातौ दिनमाभएको पहिलो खेल जैमिनी नगरपालिका, बाग्लुंग र बिरुवा गाउँपालिका स्याङ्गजा बीच भएको निकै प्रतिस्पर्धात्मक खेलमा जैमिनी नगरपालिका बाजी मार्यो ।

बेस्ट अफ फाईपमा भएको खेलमा पहिलो सेट जैमिनी नगरपालिका २५-१८ ले जितेको थियो भने दोस्रो सेट बिरुवा गाउँपालिकाले २६-२४ ले जित्यो त्यस्तै तेस्रो सेट फेरी जैमिनी नगरपालिकाले २५-२२ ले जित्न सफल भयो भने चौथो सेट जैमिनी नगरपालिकाले २६-२४ को उत्कृष्ट जित निकाल्दै जैमिनी नगरपालिका बिजयी भयो ।

त्यस्तै आजै भएको दोस्रो खेलमा फलेबास नगरपालिका र मोदी गाउँपालिका बीच भएको खेलमा ३-१ को सोझो सेटमा हराउदै फलेबास नगरपालिकाले जित्न सफल भयो । मोदी गाउँपालिकालाई निकै रोमान्चक पहिलो सेट १८-२५ र दोस्रो सेट पनि २२-२५ ले आफ्नो पक्षमा पारे पनि तेस्रो सेट मोदी गाउँपालिकाले २५-१७ ले जित निकाल्दा चौथो सेटभने फलेबास नगरपालिकाले उत्कृष्ट खेलखेल्दै २५-१९ को जित हासिल गर्यो । साथै आज भएको तेस्रो तथा अन्तिम खेलमा कुश्मा गंगटेले गलकोट नगरपालिका लाई ३-० को सोझो सेटमा हराउदै जित निकाल्यो । कुश्मा गंगटेले पहिलो सेट २५-२३ र दोस्रो सेट २५-१७ र तेस्रो सेट २५-२१ को सोझो सेटमा जित हासिल गर्यो ।