पर्वत । सदरमुकाम कुश्मामा जारी ८ औँ पर्वत महोत्सव मा यतिबेला स्थानीय कृषि जन्य उत्पादनको प्रदर्शनी तथा बिक्री कक्षहरूमा दर्शकको भीड बढेको छ। स्थानीय उत्पादनको संरक्षण र प्रवर्द्धनू भन्ने मुख्य उद्देश्यका साथ महोत्सवमा छुट्टै स्टलहरू व्यवस्थापन गरिएको छ।

​महोत्सवको स्टाल नं। १३५ मा मोदी गाउँपालिकाको आधिकारिक कृषि उपज संकलन केन्द्रको मोदी खोला बहुउद्देश्यीय सहकारी संस्था लिमिटेडमार्फत संचालित यस केन्द्रले महोत्सवमा स्थानीय स्तरमा उत्पादित शुद्ध दुग्धजन्य परिकारहरू कुराउनी र कृषि उपजको बिक्री गरिरहेको छ। चिसो मौसमका बावजुद पनि स्थानीय उत्पादित सामाग्री खरिद गर्न उपभोक्ताहरूको उत्साहजनक उपस्थिति रहेको छ।

​महोत्सवमा पर्वतका विभिन्न गाउँपालिकाहरूबाट कृषकहरूले आफ्ना उत्पादन ल्याएका छन् । महोत्सवमा लप्सीका बिभिन्न परिकार साथै स्थानिय स्तरमा उत्पादित ढाका तथा अल्लोका सामग्रीहरु बिक्रीमा राखिएको छ ।

​मौसमी फलफूलस् पर्वतको पहिचान बनेको गुलियो सुन्तला। कन्दमूल र तरकारीस् बारीमा उत्पादित ताजा धनिया, पिँडालु, र माघे संक्रान्ति विशेष तरुल लगाएतका उपजहरु राखिएको छ ।
​
महोत्सव केवल मनोरञ्जनका लागि मात्र नभई गाउँका किसानले उत्पादन गरेका सामाग्रीलाई बजारसँग जोड्ने पुल बनेको छ, । एक सहभागी कृषकले बताए।

​यस प्रकारको प्रदर्शनीले स्थानीय स्तरमा उद्यमी बन्न चाहने युवाहरूलाई हौसला प्रदान गरेको छ। महोत्सवमा राखिएका यस्ता स्टलहरूले गाउँको उत्पादन सहरको भान्छासम्मू पुर्‍याउने अभियानलाई सार्थकता दिएका छन्। पुस ९ देखि१९ गतेसम्म चल्ने यस प्रदर्शनीमा हजारौँ दर्शकले अवलोकन गर्ने र लाखौँको कारोबार हुने अपेक्षा गरिएको छ।

लाेक कल्याणकारी