पर्वत । नेपाली कांग्रेसको वडा अधिवेशनको शुरुवात सम्भवत देशकै पहिलो वडा अधिवेशनको रुपमा पर्वत जिल्लाको विहादी ४ वहाकीबाट शुरुवात भएको छ । नेपाली कांग्रेसले वडा हुँदै महाधिवेशन गर्ने निर्णय गरे बमोजीम पहिलो पल्ट विहादी ४ बाट कांग्रेसको वडा अधिवेशनको शुरुवात भएको छ ।

नेपाली कांग्रेसका प्रदेश सभा ख का क्षेत्रीय सभापति तथा विहादी गाउँपालिकाका अध्यक्ष परविन गुरुङका अनुसार सम्भवत यो अधिवेशन देशकै पहिलो अधिवेशन हो । महाधिवेशन गर्ने गरी कांग्रेसको केन्द्रिय कमिटिले गरेको निर्णय बमोजीम भएको यो अधिवेशनसंगै प्रदेश सभा ख तर्फका ३० वटै वडाहरुको अधिवेशन क्रमशः गरिने सभापति गुरुङले जानकारी दिनुभयो ।

गुरुङले प्रदेश सभा क तर्फका क्षेत्रीय वडाहरुमा समेत अधिवेशन गर्ने गरी तयारीको लागि समन्वय भईरहेको समेत बताउनुभयो । सवै वडाहरुमा एकताको महाधिवेशन बनाउने गरी उक्त अधिवेशनलाई सम्पन्न गरेको बताउँदै क्षेत्रीय सभापति गुरुङले कांग्रेस भित्रको एकताको सन्देशलाई देश भरी नै प्रवाह गर्नुपर्ने धारणा राख्नुभएको छ ।

लाेक कल्याणकारी