पर्वत। पर्वतको फलेवास नगरपालिका-६, देविस्थान स्थित जनता माध्यमिक बिद्यालयमा बिद्यार्थीहरुलाई न्यानो कपडा वितरण तथा जेष्ठ नागरिकलाई सम्मान गरिएको छ ।लायन्स क्लब अफ पोखरा हेल्पफुल ह्यान्डको आयोजनामा यहीँ पौष १० गते “न्यानो कपडा वितरण कार्यक्रम सम्पन्न भएको हो । बिद्यालयका बालबालिकाहरुलाई न्यानो कपडा तथा शैक्षिक सामग्री वितरण गरिनुका साथै ज्येष्ठ नागरिकलाई सम्मान गरिएको बिद्यालयका लेखापाल सन्तोष श्रेष्ठले जानकारी दिनुभयो ।

क्लबका अध्यक्ष यज्ञ बहादुर नेपालीको अध्यक्षतामा सम्पन्न कार्यक्रममा लायन्स क्लबका पदाधिकारी, शिक्षक तथा समाजसेवीहरूको उल्लेख्य उपस्थिति रहेको थियो। कार्यक्रममा समुदायका ५२ जना विपन्न विद्यार्थीलाई न्यानो कपडा र शैक्षिक सामग्री प्रदान गरिएको आयोजकले जनाएको छ।

कार्यक्रमको समापनमा आयोजक संस्थाले सहयोगी सबैप्रति धन्यवाद व्यक्त गर्दै आगामी दिनमा पनि यस्ता सामाजिक कार्यलाई निरन्तरता दिने प्रतिबद्धता जनाएको छ । विद्यालयका प्रधानाध्यापक जीवनाथ पौडेलले कपडा वितरण गर्ने आयोजक संस्था तथा सहयोगदाताहरुलाई बिद्यालयको तर्फबाट धन्यवाद व्यक्त गर्नुभएको छ ।