शिशिर उजाड,पोखरा । पोखराको बाटुलेचौरमा रहेको विन्ध्यवासिनी माध्यमिक विद्यालयमा लोक गीत प्रतियोगिता सम्पन्न भएको छ।आधारभुत तहको कक्षा १ देखि ३ सम्मका विद्यार्थी सहभागी प्रतियोगितामा भिजा बुढा मगर, आशिका घर्ती मगर, अस्मिता क्षेत्रीको माछापुच्छ्रे सदन प्रथम,आशुतोष आचार्य,प्रिन्सा सुर्खेती , रिदम गाहाको फेवा सदन द्वितीय, जेनिशा विक, दीपिका मगर,दिया नेपालीको धौलागिरी सदन तृतीय र नित्यान देवकोटाले तृतीय स्थान प्राप्त गरेको आधारभुत तह इन्चार्ज गोविन्द शर्माले जानकारी दिए।
१९ वटा टोलीले सहभागिता जनाएको प्रतियोगितामा उत्कृष्ट टोलीलाई बधाई दिँदै विद्यालयका प्रधानाध्यापक कृष्णप्रसाद आचार्य र आधारभुत तह इन्चार्ज गोविन्द शर्मा पौडेलले मौलिक लोकसंस्कृतिको जगेर्ना गर्न कार्यक्रम सफल भएको बताए। कक्षा ३ का प्रदिश थापाको अध्यक्षतामा भएको कार्यक्रममा विद्यालय व्यवस्थापन समितिका शिक्षक प्रतिनिधि सिर्जना शर्मा सिग्देल, गोविन्द शर्मा पौडेलले प्रस्तुतिको मुल्यांकन गरेका थिए।कार्यक्रमको सञ्चालन शिक्षक विष्णुमाया गौतमले गरेकी थिइन्।
