शिशिर उजाड,पोखरा ।लायन्स क्लब अफ पोखरा डल्फिनको आयोजनामा भएको पिस पोष्टर प्रतियोगितामा युनिशा मगर प्रथम भएकी छन् ।मोहरिया टोलस्थित विन्ध्येश्वरी आदर्श बोर्डिङ स्कुलमा भएको सो प्रतियोगितामा अर्चना रत्न द्वितीय, उपासना रेग्मी तृतीय र मौं भुमिकले सान्त्वना भएका छन् ।प्रतियोगितामा विभिन्न विद्यालयबाट २७ जना विद्यार्थीहले भाग लिएका कार्यक्रम संयोजक लायन कृष्णकुमार श्रेष्ठले जानकारी दिए।

क्लवका अध्यक्ष सुरेन्द्र बरालको अध्यक्षता भएको कार्यक्रममा उत्कृष्ट विद्यार्थीलाई डिस्ट्रिक चिफ एवम् पिस पोष्टरका प्रमुख लायन शिब बहादुर खड्काले पुरस्कार तथा प्रमाणपत्र वितरण गरे। उनले विद्यार्थीको प्रतिभा प्रस्फुटनका लागि लायन्स क्लवले विभिन्न कार्यक्रम संचालन गरेको बताए। पि.आर.ओ. इन चिफ लायन ऋषि गिरीले हरेक वर्ष गर्ने यस्ता प्रतियोगिताले विश्वमा शान्ति कायम गर्न सहयोग गर्ने कुरा जानकारी दिए।

कार्यक्रममा संयोजक एवं लायन्स क्लवका पूर्व अध्यक्ष कृष्णकुमार श्रेष्ठ, निर्णायक अनिता थापा र लायन दुर्गाप्रसाद शर्माले लायन्स क्लवले शिक्षा, स्वास्थ्य र वातावरणीय संरक्षणको क्षेत्रमा पुर्याएको योगदानको चर्चा गरेका थिए।

लाेक कल्याणकारी