पर्वत । जाडो मौसममा बसाई सरेर आउने आगन्तुक चराहरूको अवस्था पत्ता लगाउन आज शनिबार चितवन राष्ट्रिय निकुञ्ज नजिकै रहेको कुमाल ताल र बीसहजारी तालको सिमसार क्षेत्रमा चरा गणना तथा नियमित बर्डवाचिङ कार्यक्रम सम्पन्न भएको छ। बर्ड एजुकेशन सोसाइटी चितवनले आयोजना गरेको यस कार्यक्रमले तालतलैयाको जैविक विविधता र पानीमा आश्रित चराहरूको संरक्षणमा जोड दिएको छ।
बर्ड एजुकेशन सोसाइटीका अध्यक्ष विजय गिरीले यस पटकको गणनाले सिमसार क्षेत्रमा चराहरूको चहलपहल उत्साहजनक देखाएको बताउनुभयो । उहाँले भन्नुभयो जाडो छल्न साइबेरिया, मंगोलिया, तिब्बत लगायतका उत्तरी क्षेत्रबाट हाम्रा तालहरूमा धेरै प्रजातिका चराहरू आइपुगेका छन्। हामीले बाइनाकुलर र टेलिस्कोपको सहयोगमा उनीहरूको सङ्ख्या अभिलेख गरेका छौँ। यस्ता गतिविधिले स्थानीय सिमसार क्षेत्रको संरक्षण र सफाइका लागि जनचेतना जगाउन महत्त्वपूर्ण भूमिका खेल्छ।
सो अवसरमा सस्थाका कोषाधक्ष चन्द्रमणि गौलीले आज को प्रबिधि सामानहरुको ब्यवस्थापन र समंयोजन गर्नु भएको थियो । सस्थाका सचिव प्रकाश चापागाईले आगामी कार्यक्रम को बारेमा सस्थाको आधिकारिक पेज बाट प्रकाशन गरिने बताउनुभयो ।
अध्यक्ष गिरीले कार्यक्रममा सहभागी सबैलाई धन्यवाद दिँदै प्रारम्भिक तथ्याङ्कले जैविक विविधता संरक्षणको अवस्थाबारे थप स्पष्ट पार्ने विश्वास व्यक्त गर्नुभयो ।
संस्थाले नियमित रूपमा गर्दै आएको यस महत्त्वपूर्ण बर्डवाचिङ कार्यक्रममा विजय गिरी, चन्द्रमणि गौली,आम्सिस पन्त,कृष्ण थापा लगाएतले सक्रिय रूपमा सहभागिता जनाएका थिए।
सहभागीहरूले कुमाल ताल र बीसहजारी तालको वरिपरि घुमी चराहरूको अवलोकन तथा गणना गरेका थिए। यो गणनाले चितवनको सिमसार क्षेत्रमा कति प्रजाति र कति सङ्ख्यामा जलपक्षीहरू आइपुग्छन् भन्ने यकिन तथ्याङ्क सङ्कलन गर्न मद्दत पुग्नेछ।
